Movimento Indipendentista Ligure
O Moviménto Indipendentìsta Lìgure (in italian: Movimento Indipendentista Ligure), abreviòu in MIL, o l'é stæto 'n partîo politico lìgure existîo tra o 2001 e o 2015[1].
ZE | Quésta pàgina a l'é scrîta in léngoa zenéize A Grafîa adeuviâ a l'é quélla de l'Académia Ligùstica do Brénno |
Stöia
A notiçia da fondaçion do Movimento a remonta a-o 14 do zenâ do 2001[2], sciben che êan stæti publicæ dötréi volantinn-i firmæ "MIL" za l'anno primma[3]. Tra i sòcci fondatoî gh'é stæto l'esponente de centrodestra Franco Bampi (ex LN e FI), Lisciandro Casareto (alôa prescidente de A Compagna) e Vinçenso Matteucci.
Obietîvi
O Movimento aiva comme obietîvo prinçipâ a sensibilizaçion di lìguri rigoardo a-o pròpio pasòu de Naçion sovrann-a indipendente, pe eventoalmente arivâ a l'indipendénsa de unn-a "Repubbrica Federâ Ligure"[4]. Âtri obietîvi minoî, prezénpio, prevedeivan a remoçion de statoe di Savòja[5] e a realizaçion di targhe pe riconósce i quartê de Zêna[6].
Strutûa
Prescidénti
- Vinçenso Matteucci
Segretâi
- Franco Bampi (2001-)
Rizultâti eletorâli
Eleçion | Anno | Lista | Vôti | Perçentoâle | Candidòu | Vôti | Perçentoâle |
---|---|---|---|---|---|---|---|
Eleçioin comunâli de Zena | 2002 | MIL | 821 | 0,28% | Franco Bampi | 816 | 0,23%[7] |
Eleçioin comunâli de Zena | 2007 | MIL | 787 | 0,30% | Federica Sattanino | 861 | 0,28%[8] |
Eleçioin comunâli de Rapallo | 2007 | MIL | 165 | 1,1% | Armando Giuseppe Ezio Capurro | 6064 | 33,9%[9] |
Eleçioin provinciâli de Zena | 2007 | MIL | 1827 | 0,5% | Piero Campodonico | 2223 | 0,5%[10] |
Eleçioin comunâli de Zena | 2012 | MIL | 555 | 0,24% | Giuseppe Viscardi | 2462 | 0,93%[11] |