सुब्रत रोय

रायकs जन्म १० जून १९४८ कs बिहारक अररिया जिलामे पिता सुधीर चन्द्र राय आर माँ छबि रायके घर भेल छल।^[३] ओ कोलकाताके होली चाइल्ड स्कूलमे प्राम्भिक शिक्षा पूरा करलाके बाद राजकीय तकनीकी संस्थान गोरखपुरसँ मैकेनिकल इन्जिनियरिङमे डिप्लोमा केलक।^[४] ओ १९७८ मे गोरखपुरसँ अपन व्यवसाय प्रारम्भ केलक।^[५] संप्रति हुन्कर निवास लखनऊ मे अछि।^[६]

रोय द्वारा १९७८ मे गोरखपुरमे सहारा इन्डिया परिवारक स्थापना कएल गेल, जकर ओ प्रबन्ध कार्यकर्ता (प्रबन्ध निदेशक) आर चेयरम्यान छी।^[७][८]इ भारतक एक बहु-व्यापारिक कम्पनि छी, जकर कार्य वित्तीय सेवासभ, गृहनिर्माण वित्त (हाउसिङ फाइनेन्स), म्युचुअल फन्डसभ, जीवन बीमा, नगर-विकास, रीयल-इस्टेट, अखबार एवं टेलीविजन, फिल्म-निर्माण, खेल, सूचना प्रौद्योगिकी, स्वास्थ्य, पर्यटन, उपभोक्ता सामग्री सहित अनेको क्षेत्रसभमे फैलल अछि। किछ दिन पहिले धरि ओ आई पी एल कs फ्रेंचाईजी पुणे वॉरियर्स इन्डिया, लन्डनके ग्रॉसवेनर हाउस,मुम्बईके लोनावालामे स्थित एमबी वैली सिटी तथा न्यूयार्कके प्लाजा होटल, ड्रीम डाउनटाउन होटलक मालिक सेहो छी।^[९]

रोय द्वारा सन्चालित सहारा समूहके लग ३० जून-२०१० धरि १,०९,२२४ करोड़ रूपैयाकs परिसम्पतिसभ अछि।^[१०]

रोय द्वारा अपन व्यवसायकs प्रगति हेतु "सामूहिक भौतिकवाद" कs दर्शन देलक,^[११]जिकर अभिप्राय अछि "सामूहिक प्रगति आर उन्नति, समूहिक देखरेखमे।"

• "शान्ति, सुख: सन्तुष्टि" १९९४, मनकs शान्ति आर खुश रहsसँ सम्बन्धीत टिप्पणिसभ आ निबन्ध।^[१२]
• "मान, सम्मान-आत्मसम्मान"^[१३]

• डॉक्टरेटक मानद उपाधि (२०१३,यूनिर्वसिटी ऑफ़ ईस्ट लन्डन)^[१४]
• दि बिजनेस आइकॉन ऑफ दि ईयर (२०११,लन्डन)^[१५]
• डी लिट कs मानद उपाधि (२०११,ललित नारायण मिथिला विश्वविद्यालय,दरभंगा)^[१६]
• २०१२ मे इन्डिया टुडेके द्वारा भारतक दस सबसँ प्रभावशाली व्यवसायिसभमे शुमार।^[१७]
• २००४मे टाइम पत्रिका (अँग्रेजी) द्वारा "भारतीय रेलवेके बाद भारतमे दोसर सबसँ बड़का नियोक्ता"के रूपमे नामांकित।^[१८]
• एकर अलावा हुन्का "आई टी ए-टी वी आइकॉन ऑफ दि ईयर" (२००७),"ग्लोबल लीडरशिप अवार्ड" (२००४), "बिजनेस ऑफ दि ईयर अवार्ड" (२००२),"विशिष्ट राष्ट्रीय उड़ान सम्मान" (2010), "वोकेशनल अवार्ड फॉर एक्स्क्लेंस" (द्वारा रोटरी इन्टरनेशनल,2010), "कर्मवीर सम्मान" (1994), "बाबा-ए-रोजगार अवार्ड" (1992), "उद्यम श्री" (1994), "दि नेशनल सिटीजन अवार्ड" (२००१) आर "इन्डियन टेलीविज़न अकादमी अवार्ड"(२०१३) सेहो प्राप्त भेल अछि।

• सुब्रत राय सहारा का आधिकारिक जालपृष्ठ सङ्ग्रहित २०१४-०३-१४ वेब्याक मेसिन
• सहारा इंडिया परिवार का आधिकारिक जालपृष्ठ