Alamàna (vahoaka)

Ny Alemàna dia kônfederasiônam-poko jermanika, indrinda ny Soeva na Soeba, izay niorim-ponenana voalohany tao lalana afovoany sy ambany amin' i renirano Elbe, avy eo nanamorona ny renirano Main na Mein. Ny teny hoe Alamàna dia avy amin' ny teny jermanika hoe all-mann, izay midika hoe "olona rehetra", "olona isan-karazany" na "olona feno"; amin' ny teny alemà izany dia atao hoe Alamannen na Alemannen.

Niseho voalohany ao amin’ ny soratra rômana tamin’ ny taona 213 izy ireo. Nandresy sy naka an' i Agri Decumates (teny latina) tamin’ ny taona 260 izy ireo, ary avy eo dia niely tany amin’ ny tany mahafaoka ny tapany amin’ i Helvetia (Soisa), amin' i Decumania (ny tanin’ i Baden) ary ampahany amin’ i Sequanaise (Alsace) izay nandray anjara tamin’ ny fampanjakana ny kolontsaina jermanika ireo faritra rômana taloha ireo.

Tamin’ ny taona 496 dia resin’ i Clovis (Franka) ny Alamana, izay nampiditra ny faritaniny tamin' ny fanjakany. Tamin' ny taona 746 dia saika ny andriana alamana rehetra no novonoina tao Cannstatt, ka izany dia inanamafy ny fifehezana' ny Franka an' ilay firenena. Taorian' ny "Fifanarahana tao Verdun" dia tafiditra tao amin' ny tanin' i Frankia Atsinanana ireo tany ireo alohan' ny hahalasa ny fitambaran' izy ireo ho Dokean' i Soabia tamin' ny taonjato faha-10 ka hatramin' ny faha-13.