Fiteny koiônôna

Ny fiteny koiônôna dia anisan' ny fiteny bisaiana isam-paritra ampiasaina any amin' ny morontsirak' i Palawan sy ao amin' ny tangoro-nosy Cuyo any Filipina. Ny fiteny koiônôna no lingua franca (fiteny ampiasaina amin' ny fifandraisana) ao amin' ny Faritanin' i Palawan hatramin' ny vao haingana, izay nampitombo haingana ny fifindra-monina tao amin' ilay faritra.

Ny 43 % amin' ny mponina ao Palawan nandritra ny faramparan' ny taompolo 1980 no niteny sy nampiasa ny fiteny koiônôna. Nasehon' ny fandinihana taty aoriana fa nihena be ny isan' ny mpiteny noho ny fitomboan' ny mpifindra monina miteny tagalôga avy any Luzon.

Ny fiteny koiônôna dia sokajian' ny Summer Institute of Linguistics ho ao amin' ny zana-bondrona filipina afovoany, ny bisaiana andrefana, ny koiana. Monina ao amin' ny vondro-nosy Cuyo, izay eo anelanelan' ny tapany avaratr' i Palawan sy ny nosy Panay ny ankamaroan' ny mpiteny koiônôna.