23 шыжа

• Реклама пашаеҥ-влакын пайремышт.

Шыжа тылзын коло кумшо кечынже Андрей, Василий, Иннокентий-влакын лӱм кечышт.

Тугак ончо: Категорий:Шыжа тылзын 23 кечысе событий-влак

• 1814 — хирург Джозеф Карпю тӱняште икымше пластический операцийым ыштен.
• 1953 — шымлызе Андрей Сахаровын Совет Ушемын шанче академийышкыже налыныт.
• 2000 — Китайыште тошто семӱзгар тоштерым муыныт.

Тугак ончо: Категорий:Шыжа тылзын 23 кечынже шочшо-влак

• 1938 — Тамара Александровна Базуева, Россий Федерацийын да Марий Эл Республикын сулло эмлызыже. Одо Элыште шочын. Озаҥ оласе медицин университетым йошкар диплом дене тунем пытарымек, Йошкар-Оласе пӱй эмлыме поликлиникыште тыршаш тӱҥалын. Кок ий гыч тӱҥ эмлызын алмаштышыже лийын. А 1983-шо ий гыч шкежак поликлиникын тӱҥ врачше сомылым шукта.
• 1954 — Александр Иванович Обухов, семмастар да туныктышо, Марий Элын сулло сымыктыш пашаеҥже. Советский посёлкышто шочын. Кӱшыл шинчымашым Озаҥ оласе тӱвыра институтышто налын. 1976-шо ий гыч Марий тӱвыра да сымыкытыш училищыште туныктышылан пашам ышташ тӱҥалын. 15 ий «Марий Эл» кугыжаныш ансамбльын вуйлатышыжлан пашам шуктен шоген. Кызыт паша корныжо Москосо тӱвыра да сымыктыш институт дене кылдалтын: хореографий кафедрын доцентше.
• 1976 — Роман Юрьевич Алексеев, марий актер, режиссёр, мурызо, киноактер, Марий Эл Республикын сулло артистше (2006), Марий Эл Республикын Калык артистше (2018), М. Шкетан лӱмеш Марий кугыжаныш драме театрын тӱҥ режиссержо, Марий Эл Радион йӱкшӧ.

Тугак ончо: Категорий:Шыжа тылзын 23 кечынже колышо-влак

• 1973 — Максим Емельянов, марий серызе, почеламутчо, журналист, СССР Серызе-влак ушемын йыжъеҥже (1975).

• Евлампиян да Евлампийын кечыже. Нуно ака ден шольо лийыныт. Ожно калык тиде кечын чырам ямдылен. Кастене тӱрлӧ сомыл-влакым ыштыме годым волгыдо лийже манын шуко-шуко чырам шелыштын.

	23 шыжа Викиклатыште?