6 шыжа

•  Россий — Страховой ушемыште тыршыше пашаеҥ-влакын пайремышт палемдалтеш. Вес семынже ты кечым Страховщикын кечыже маныт.
•  Белоруссий — Архивист кече
•  Египет — Сарзе вий кече.
•  Казахстан — Бухгалтер да аудитор кече.
•  Куба — Кугыжаныш терроризм деч эҥгекыш логалше-влакын кечышт.
•  Туркмений —1948 ийысе мланде чытырналтмашыште эмганыше да колышо-влакым шарныме кече^[1].

• Католик лӱм-влак: Артур, Брунон.
• Танле (православный) лӱм-влак: Андрей, Антон, Антонина, Иван, Иннокентий, Пётр, Поликсения.

Тугак ончо: Категорий:Шыжа тылзын 6 кечысе событий-влак

• 1948 ий — Туркменистан элысе Ашхабад олаште мланде чытырналтмаш лийын. Тиде землетрясений 100 тӱжем утла еҥын илышыжым наҥгаен.
• 1952 ий — КПСС-ын 19-ше погыныштыжо визымше пятилетка шотышто директивым илышыш шындареныт.
• 1977 ий — МиГ-29 самолёт-истребитель икымше гана южыш нолталтын.

Тугак ончо: Категорий:Шыжа тылзын 6 кечынже шочшо-влак

• 1888 ий — Сергей Чавайн, марий серызе, почеламутчо, СССР Серызе-влак ушемын йыжъеҥже (1934), марий сылнымутлан негызым пыштыше, икымше марий почеламутым возышо, «Элнет» романын авторжо.
• 1925 ий — Вера Михайловна Горинова, уста пашазе. Марий Тӱрек кундем Макинер ялыште шочын. Юлсер оласе училищым тунем лекмек Йошкар-Оласе торгайымаш машина чоҥышо заводышто электросварщиклан пашам ышташ тӱналын да 30 ий утла тыштак тыршен. Тиде пашажлан Вера Михайловна Ленин да Йошкар Знамя Паша орден дене палемдалтын. Йошкар-Олан почётан гражданинже.
• 1939 ий — Ананий Дмитриевич Лебедев, ял озанлык пашаеҥ, Россий Федерацийын сулло агрономжо. Курыкмарий кундемыште шочын. Кӱшыл шинчымашым Чуваший республикысе ял озанлык институтышто налын да шочмо кундемысе «Дружба» колхозышто тӱҥ агрономлан пашам ышташ тӱҥалын. 37 ий ты пашаштак тыршыме жапыште тудо ятыр чап танык дене палемдалтын.
• 1936 ий — Зоя Прокопьевна Пиркова, ял озанлык пашаеҥ, Россий Федерацийын сулло агрономжо. Кужэҥер кундемыште шочын. Паша корныжо Оршанка кундемысе «За мир» да Шкетан лӱмеш колхозла дене кылдалтын. Шкетан лӱмеш колхозышто гын тудо 30 ий утла тӱҥ агрономлан тыршен. Суапле пашажлан Йошкар Знамя Паша орден дене палемдалтын.
• 1975 ий — Надежда Валикаевна Пашкина, эстраде мурызо, Олык Ипай лӱмеш премийын лауреатше. Пошкырт Эл Калтаса селаште шочын-кушкын. Ончычсо паша корныжо Медведево тӱвыра пӧрт дене кылдалтын. Пытартыш жапыште Надежда Марий самырык театрыште шуаралтеш. Эстрадыштат у кӱкшытым айла, у муро-влак дене куандара. Шергакан йолташнам, пагалыме мурызо Надежда Пашкинам меат шочмо кечыж дене саламлена. Тазалыкым, пиалым, йӧратымашым тыланена!
• ???? ий — Эльвира Никитина, эстрада мурызо, «Шочмо кече», «Ӱшанем», «Ачамым шарнен» муро-влакым йоҥгалтарыме дене чапланен. Тудо гын Кужэҥер кундем Шӱдымарий ялыште шочын-кушкын.

Тугак ончо: Категорий:Шыжа тылзын 6 кечынже колышо-влак

• 2003 ий — Алексей Бахтин, руш серызе, почеламутчо, журналист.

Ираидан кечыже. Ожно ты кечын мужедыныт: поснак окса дене кылдалтше турло йодышым рашемдаш тыршеныт. Тидлан кок энерын ушнымо верыш миеныт, да кок атыш кок энер гычат вудым налын, монго конденыт. Вара эскереныт, кудо атыштыже вуд иземеш: ару да шыман йогышо энерысе вуд шагалемын гын, оксат шула – манын ушаненыт.