24 ӱярня

•  ООН — Туберкулёз чер ваштареш кучедалме тӱнямбалсе кече
•  Пакистан — Пакистан кече
•  Уганда — Пушеҥге-влакым шындыме кече

• Католик лӱм-влак: Екатерина, Макартан, Симон.
• Танле (православный) лӱм-влак: Василий, Евфимий, Епимах, Патрикий, Пионий, Софроний.

Тугак ончо: Категорий:Ӱярня тылзын 24 кечысе событий-влак

• 1801 ий — Павел Первый кугыжам пуштыныт.
• 1802 ий — Англий гыч изобретатель Ричард Тревитик паровозым ыштымылан патентым налын.
• 1882 ий — Роберт Кох туберкулёз бактерийым муымыж нерген увертарен.
• 1898 ий — Америкыште икымше автомобильым ужаленыт.

Тугак ончо: Категорий:Ӱярня тылзын 24 кечынже шочшо-влак

• 1912 ий — Олык Ипай, марий поэт. Чын лӱмжӧ — Ипатий Степанович Степанов. Марий сылнымутлан у шӱлышым, у сыным пуртымыжлан тудым Сергей Чавайн дене тӧр шындат. Олык Ипай лӱмеш марий комсомол шке жапыштыже премийым пеҥгыдемден. Кызыт гын тудо Олык Ипай лӱмеш самырык-влаклан кугыжаныш премий маналтеш.
• 1942 ий — Иванова, Зоя Константиновна, тӱвыра да туныктыш пашаеҥ, Марий Эл Республикысе тӱвыран сулло пашаеҥже. Поранча кундем Олор ялыште шочын. 1979-ше ий гыч тудо Марий кугыжаныш педагогик институтышто тыршаш тӱҥалын. 40 наре шанче пашан авторжо. 1982-шо ийыште институтышто тунемше студент-влакын «Марий сем» ансамбльым чумырен.
• 1943 ий — Наталья Беляева, руш серызе, кусарыше, журналист, Марий Эл Республикысе тӱвыран сулло пашаеҥже (1990), Марий Эл Республикын сулло журналистше (2000).
• 1951 ий — Патрушева, Галина Александровна, кугыжаныш пашаеҥ. Шернур кундем Казанское селаште шочын. 1999-ше ий гыч тудо Марий Эл Республикын рӱдö сайлыме комиссий вуйлатышын алмаштышыжлан шогалын.
• 1952 ий — Петров, Валериан Васильевич, журналист. Шкеже тудо Морко кундем Семисола ял гыч. 1971-ше ий гыч «Морко мланде» газет редакцийын фотокорреспондентшылан тыршаш тӱҥалын. Кызыт ты редакцийым вуйлатен шога.
• 1954 ий — Демкович, Станислав Васильевич, спорт пашаеҥ, Марий Эл Республикын сулло тренерже. Красноярск олаште шочын-кушкын, но Марий Элыште чапым налын. Йошкар-Олашке 1987-ше ийыште толын: «Дружба» спорт ушемын тренержылан тыршаш тӱҥалын. Лач тудын мутшо почеш Йошкар-Олаште дзюдо дене икымше спорт ушемым почмо. Тиде спортсменын тунемшыже-влак кокла гыч 60 утлаже спорт мастер лӱмым налын. Шкежат Совет Ушем спорт мастер лӱмым нумалеш.

Тугак ончо: Категорий:Ӱярня тылзын 24 кечынже колышо-влак

• Шнуй Ефимийын кечыже. Лач тиде кечын куэвÿд лекташ тÿналеш маныныт. Йÿдым покшым возеш гын, тетла лумым вучыман огыл.

	24 ӱярня Викиклатыште?