El Salvador
El Salvador atau sacaro rasmi Republik El Salvador adolah sabuah nagara di Amerika Tangah. Babatehan jo Honduras di timur lauik, Guatemala di barat lauik sarato Samudra Pasifik di selatan. Ibu kota jo kota tagadangnyo adolah San Salvador.
Nagara ko, basamo jo kasadoan Amerika Tangah, adolah salah satu wilayah seismologi paliang aktif di Bumi, talatak di ateh tigo lempeang tektonik gadang nan mambantuak permukaan bumi. Pergerakan lempeng-lempeng ko manyababkan gampo bumi jo aktivitas vulkanik di wilayah tu.[1]
Politik El Salvador tajadi dalam karangko republik demokrasi perwakilan presidensial, di mano Presiden El Salvador adolah kapalo nagara jo kapalo pamarentahan, dan kuaso eksekutif dijalankan oleh pamarentahan. Kuaso legislatif dipacik dek pamarentah jo DPR. Yudikatif independen dari eksekutif jo legislatif. The Economist Intelligence Unit manilai El Salvador sabagai "rezim hibrida" pado tahun 2022.[2]
Panduduak nagara ko pado tahun 2023 dipakirokan mancapai 6,5 juta jiwa,[3] dibandiangan jo 2.000.000 pado tahun 1950. Salamo parang saudaro, sajumlah gadang urang Salvador pindah ka Amerika Sarikat. Pado tahun 2008, mereka manjadi salah ciek kelompok imigran tagadang di AS.[4]
