Honduras
Honduras atau sacaro rasmi Republik Honduras adolah sabuah nagara di Amerika Tangah. Honduras babatehan jo Guatemala di barat, Nikaragua di tenggara, Taluak Fonseca di selatan, jo Taluak Honduras di utara. Ibu kota jo kota tagadangnyo adolah Tegucigalpa.
Honduras punyo garih pantai Karibia sapanjang 700 kilometer (430 mil) nan mambantang dari muaro Río Motagua di barat hinggo muaro Río Coco di timur, di Tanjung Gracias a Dios.[1]
Honduras diatur dalam karangko republik demokrasi perwakilan presidensial. Presiden adolah kapalo nagara jo kapalo pamarentahan. Kuaso legislatif dipacik dek Kongres Nasional Honduras. Yudikatif independen dari cabang eksekutif jo legislatif. The Economist Intelligence Unit manilai Honduras sabagai "rezim hibrida" pado tahun 2022.[2]
Honduras punyo panduduak 10.278.345 pado tahun 2021.[3][4] Proporsi panduduak di bawah umua 15 tahun pado tahun 2010 adolah 36,8%, jo 58,9% baumua 15–65 tahun, sarato 4,3% baumua di ateh 65 tahun.[5]
