Juche
Juche (biasonyo indak ditarjamahan[1] atau kadang-kadang juo disabuik "tagak di ateh kaki surang") adolah ideologi resmi Korea Utara, dijalehan dek pamarentahan Korea Utara sabagai "kontribusi usali, brilian, jo revolusioner dari Kim Il-sung tarhadap pamikiran nasional jo internasional".[2] Juche badalil bahasonyo "manusia manguasai takdirnyo",[3] dan rakyat Korea Utara adolah "panguaso revolusi jo pambangunan" dan bilo rakyat manjadi kuek dan mandiri, bangso akan mandapek sosialisme nan labiah nyato.[3]
.jpg)
Kim Il-sung (1912–1994) manciptoan ideologi iko, nan usalinyo maupoan varian dari Marxisme–Leninisme nan kudian diagih ciri khas Korea Utara[2] nan manyaratoan materialisme ala Marxisme–Leninisme dan sangaik manakanan individu, negara kabangsoan, jo kadaulatan.[2] Pamarentahan Korea Utara manggunoan ideologi Juche sabagai pandangan hiduiknyo dan taruih digunoan sabagai identitas politiknyo samanjak tahun 1950-an ka ateh. Prinsip dasar dari Juche adolah manggariakan bangso manuju kamardekaan (jaju),[2] malalui pambangunan "parekonomian nasional" (jarip) sarato panakanan pado katahanan diri (jawi) dalam rangko mambangun sosialisme.[2] Manuruik buku North Korea: A Country Study by Robert L. Worden, Marxism–Leninism alah ditinggaaan katiko dimulainyo de-Stalinisasi di Uni Soviet dan sapanuahnyo diganti jo Juche saindaknyo sajak 1974.[4]
Praktik Juche baraka dari ide kabalanjuikan ateh kamandirian partanian. Ideologi iko digambaran sabagai ultranasionalisme etnis Korea[5] nan bakambang sasudah hilangnyo unsur-unsur usali Marxisme–Leninisme.[6][7]
Minaro Juche
Monumen barupo minaro nan dinamoan badasaran ideologi iko talatak di tepi sabelah timur Sungai Taedong di Pyongyang, Korea Utara. Monumen iko dibangun untuak marayoan ulang tahun Kim Il-sung nan ka-70. Meskipun manuruik sumber resmi Minaro Juche dirancang dek putra sakaligus pandahalu Kim II-sung, yakni Kim Jong-il,[8] ado katarangan dari mantan pajabat Korea Utara nan mambantahnyo.[9]
Pangaruah
Salamo Parang Dingin, pamarentah Korea Utara mampromosian ideologi iko secara global.
Presiden Rumania, Nicolae Ceauşescu, kagum akan konsep Juche sasudah mangunjungi Korea Utara dalam rangkaian lawatannyo ka Asia pado tahun 1971 dan bagageh manarapan ideologi iko di nagaranyo mulai tahun 1974.
Baik di Tiongkok maupun Vietnam, tampek Marxisme–Leninisme dipromosian dek nagara, Juche alah banyak dikritik jo dicacek. Dulunyo, Juche parnah kuek di kaduo nagara tersebut.[10][11]
