Kabupaten Kapulauan Mentawai

Sajak taun 1999, wilayah Kapulauan Mentawai dikukuahkan manjadi sabuah kabupaten banamo Kabupaten Kepulauan Mentawai nan baibu koto di Tua Pejat. Sabalunnyo, Kapulauan Mentawai masuak ka dalam pamarintahan Kabupaten Padang Pariaman.

Kabupaten Kapulauan Mentawai marupokan kabupaten kapulauan nan talatak mamanjang di bagian paliang barat pulau Sumatera dan dikaliliangi dek Lautan Hindia.

Kapulauan Mentawai marupokan bagian dari sarangkaian pulau non-vulkanik dan gugus kapulauan itu marupokan puncak-puncak dari suatu pungguang barisan gunuang bawah lauik.

Kapulauan Mentawai punyo ampek pulau gadang, yakni:

• Pulau Siberut
• Pulau Sipora
• Pulau Pagai Utara
• Pulau Pagai Selatan
• jo pulau-pulau ketek lainnyo.

Di wilayah lauik Kapulauan Mentawai ado babarapo selat, antaro lain:

• Selat Mentawai, yakni selat nan mamisahan Pulau Sumatera jo Kapulauan Mentawai
• Selat Siberut, yakni selat nan mamisahan Pulau Siberut jo Pulau Sipora
• Selat Sipora, yakni selat nan mamisahan Pulau Sipora jo Pulau Pagai Utara
• Selat Sikakap, yakni selat nan mamisahan Pulau Pagai Utara jo Pulau Pagai Selatan
• Selat Sanding

Pusek pamarintahan dari Kabupaten Kapulauan Mentawai talatak di Tuapejat, sabalah utara dari Pulau Sipora.

Daftar Bupati

Artikel utamo untuak bagian ko adolah: Daftar Bupati Kepulauan Mentawai

<onlyinclude>

No	Bupati			Mulai Jabatan	Akhir Jabatan	Prd.	Ket.	Wakil Bupati
-			Drs. Badril Bakar[9]	12 Oktober 1999	Februari 2001	1	[Ket. 1][10]
-			Antonius Samangilailai, S.H.[11][12]	Februari 2001	November 2001	2	[Ket. 2][10][13]
1			Edison Saleleubaja, S.Th.	November 2001	2006	3		Aztarmizi
				14 November 2006	14 November 2011	4	[14]	Yudas Sabaggalet
-			Parlindungan Sihombing	14 November 2011	5 Desember 2011	-	[Ket. 3]
2			Yudas Sabaggalet S.E., M.M.	5 Desember 2011	5 Desember 2016	5		Rijel Samaloisa
-			Drs. H. Syafrizal M.M.	5 Desember 2016	22 Mei 2017	-	[Ket. 4][15]
(2)			Yudas Sabaggalet S.E., M.M.	22 Mei 2017	22 Mei 2022	6		Kortanius Sabeleake
(-)			Martinus Dahlan S.Sos., M.M.	22 Mei 2022	22 Mei 2023	-	[Ket. 5][16]
				22 Mei 2023	24 Mei 2023	-	[Ket. 6][17]
(-)			Fernando Jongguran Simanjuntak, S.St.Pi., M.Pi.	24 Mei 2023	Petahana	-	[Ket. 7][18]
Catatan

Dewan Perwakilan

Artikel utamo untuak bagian ko adolah: Dewan Perwakilan Rakyat Daerah Kabupaten Kepulauan Mentawai

Barikuik iko adalah komposisi anggota DPRD Kabupaten Kepulauan Mentawai dalam duo periode tarakhia.^[19][20]

Partai Politik	Jumlah Kursi dalam Periode
	2014-2019	2019-2024
Gerindra	2	2
PDI Perjuangan	4	4
Golkar	4	▼ 2
NasDem	3	3
Garuda		(baru) 2
Perindo		(baru) 2
PAN	2	2
Hanura	2	▼ 1
Demokrat	2	2
PBB	1	▼ 0
Jumlah Anggota	20	20
Jumlah Partai	8	▲ 9

Kecamatan

Artikel utamo untuak bagian ko adolah: Daftar kecamatan dan kelurahan di Kabupaten Kepulauan Mentawai

Kabupaten Kepulauan Mentawai mampunyoi 10 kecamatan jo 43 desa. Laweh wilayahnyo mancapai 6.011,35 km² dan panduduak 83.517 jiwa (2017) jo sebaran 14 jiwa/km².^[21][22]

Daftar kecamatan dan kelurahan di Kabupaten Kepulauan Mentawai, adolah sabagai barikuik:

Urang Mentawai jo urang Sakuddei adolah panduduak utamo di kabupaten iko, sacaro umum masyarakaik iko indak mampunyoi gambaran nan jaleh tantang asa usuanyo, walaupun ado di antarnyo tau babarapo mitologi nan kadang agak kabua sarato sulik dipicayo. Masyarakaik satampk manyabuik nagarinyo jo namo Bumi Sikerei.

Mayoritas pauni pulau-pulau di kabupaten ko barasa dari Pulau Siberut. Urang Mentawai sacaro fisik bakabudayaan saisuak yaitu budaya zaman neolitikum, nan pado masyarakaik ko indak tau jo teknologi pangolahan logam, baitu pulo bacocok tanam sarato seni tanun. Salapeh kamardekaan, masyarakaik di kabupaten iko alah baadaptasi jo etnis-etnis lainnyo nan ado di Indonesia, utamonyo sasudah kabupaten iko manjadi salah satu daerah tujuan transmigrasi.

Manuruik data Badan Pusat Statistik, tacataik baso mayoritas panduduak maanuik agamo Kristen, dan manjadi satu-satunyo kabupaten di Sumatera Barat nan mayoritas Kristen dan di lua provinsi Sumatera Utara. Nan maanuik agamo Kristen bajumlah 77,59% (Protestan 48,50%; Katolik 29,09%). Kudian nan maanuik agamo Islam sabanyak 22,22% dan lainnyo tamasuak kapicayoan 0,19%.^[23]

• Kapa lauik dari Padang ka Mentawai maabihkan wakatu 10-12 jam.
• Kapa capek jo wakatu tampuah 3-4 jam. Barangkek dari Palabuahan Muaro nan ado di kawasan Kota Tuo Padang.
• Kapa tabang komersil nan malayani panabangan Kota Padang ke Palabuahan udaro Rokot.

Daerah ko mampunyoi potensi alam nan banyak, salain dalam bidang parak, sawah-ladang, jo parikanan. Daerah iko bapotensi untuak manjadi daerah tujuan raun. Hasia lauik marupokan potensi nan taruik dikambangkan di kabupaten iko utamonyo ikan karapu nan laku untuak diekspor.

Untuak mandukuang pambangunan di daerah iko, pamarintah pusek jo daerah marencanakan ka mambangun PLTU Tuapejat bakapasitas 6 MW.^[24]

Flora & Fauna

Satwa Endemik

• Baruak Mentawai, Macaca pagensis
• Cigak ikua babi, Simias Concolor
• Tupai Kasturi Mentawai, Tupaia chrysogaster
• Siamang Mentawai, Hylobates klossii
• Lutung Mentawai, Presbytis potenziani
• Mancik Duri Pagai, Maxomys pagensis
• Mancik Gadang Sipora, Leopoldamys siporanus
• Nyingnying Mentawai, Chiropodomys karlkoopmani
• Mancik Mentawai, Rattus lugens
• Tupai tabang Mentawai, Iomys sipora
• Tupai tabang Sipora, Hylopetes sipora
• Tupai tabang SIberut, Petinomys lugens
• Saudara Tupai, Sundasciurus fraterculus
• Bajing Hitam, Callosciurus melanogaster
• Tupai Baikua-balang Tigo, Lariscus obscurus
• Ruso Sambar, Cervus unicolor oceanus
• Buruang Hantu Mentawai, Otus mentawai
• Ula Mentawai, Calamaria klossii

• (Inggirih) Info tantang Mentawai
• (Indonesia) Yayasan Citra Mandiri Mentawai Archived 2014-12-18 di Wayback Machine.