Билштет (Хамбург)

Шифбек, Ејендорф, Штајнбек и Шлем биле стари населби, кои сега се дел од квартот.

Во 2006, според статистичкото биро на Хамбург и Шлезвиг-Холштајн, квартот Билштет имал вкупна површина од 17 км². На север е квартот Јенфелд во округот Вандсбек. Општините Барсбител и Остштајнбек во германската покраина Шлезвиг-Холштајн се на исток. На запад се квартовите Хорн и Билброк, на југ е квартот Лобриге во округот Бергедорф.

Во 2007, населението во Билштет било 68.936. Густината на населеност била 4.056 жители на км². 19,7% биле деца под 18 години и 17,3% имале 65 или повеќе години. 22,5% биле имигранти. 5.274 лица биле регистрирани како невработени.^[1] Во 1999, имало 32.336 домаќинства и 39% од сите домаќинства биле составени од индивидуалци. Просечната големина на домаќинството била 2,14.^[2]

Население по години^[3]

Во 2007, имало 9.626 кривични дела (140 на 1000 лица).^[3]

Во 2006, имало 10 основни и 6 средни училиште во квартот Билштет со 3.894 ученици.^[4]

Во 2007, имало 36 дневни центри за деца, 84 лекари во приватни ординации и 12 аптеки.^[3]

Автопатот Bundesautobahn 1 и сојузниот автопат Bundesstrasse 5 водат низ квартот. Билштет е опслужуван со железничкиот систем на подземната железница со неколку станици на линијата U3.

Според секторот за моторни возила (Kraftfahrt-Bundesamt), во квартот Билштет бил регистрирани 19.998 приватни возила (290 возила/1000 луѓе) во 2007 и 258 сообраќајни несреќи.^[3]

Во делот Öjendorf се наоѓа езерото Öjendorfer See.

• Статистичко биро на Хамбург и Шлезвиг-Холштајн Архивирано на 17 јуни 2008 г. Statistisches Amt für Hamburg und Schleswig-Holstein, службена страница (германски)