За земјоделството (Катон)
За земјоделството (лат. De Agri Cultura) е книга од римскиот автор Катон Постариот. Ова е најстарото зачувано латинско прозно дело. Александар Хју МекДоналд, во неговата статија во „Оксфордскиот класичен речник“ (Oxford Classical Dictionary), вели дека овој есеј датира од околу 160 п.н.е. и забележал дека „и покрај немањето на форма, подробните описи на старите обичаи и суеверија и архаичниот тон, ова сепак било современо дело во кое авторот се раководел според сопствените познавања и искуство со новото капиталистичко земјоделство."[1] Многу подоцнежни дејци искажувале голема почит кон Катон за неговите практични ставови, неговиот стоицизам и неговата и притегната и луцидна проза.
Земјоделски рецепти
Еден дел од книгата е посветен на рецепти за земјоделски производи. Меѓу нив наоѓаме:
- имитација на коско вино (каде на ширата ѝ се додавала морска вода);
- првата забележана рецепта за т.н. „грчко вино“ (vinum graecum), имитација на силно ароматизираното грчко вино кое се увезувало во Италија во римско време.
Ритуали
Книгата содржи краток дел во кој се зборува за верските ритуали кои ги извршуваат земјоделците. Тука јазикот е сосем традиционален, поархаичен од остатокот од книгата. Меѓу другото, Катон тука зборува за вршењето на суоветаурилиите, благослов на земјата и родот.
Текстови и преводи
- Dalby, Andrew (1998), напишано во Totnes, Cato: On Farming, Prospect Books, ISBN 0907325807
- Goujard, R. (1975), напишано во Paris, Caton: De l'agriculture, Collection Budé, Les Belles Lettres
- William Davis Hooper, преведувач. Marcus Porcius Cato, "On Agriculture"; Marcus Terenntius Varro, "On Agriculture". Harvard: Loeb Classical Library, 1934.
Наводи
Библиографија
- Watkins, Calvert (1995), напишано во New York, How to Kill a Dragon: aspects of Indo-European poetics, Oxford University Press, ISBN 0195144139
- K. D. White, "Roman agricultural writers I: Varro and his predecessors" во Aufstieg und Niedergang der römischen Welt уред. H. Temporini. Прв дел, Том 4 (Berlin: De Gruyter, 1973) стр. 439-497.
Надворешни врски
- „За земјоделството“ - Латински текст со анлиски превод (англиски) (латински)