Кирил Николовски
Кирил Николовски (роден на 9 јуни 1988 во Скопје) — македонски поранешен кошаркар и репрезентативец. Тој играл за кошаркарскиот клуб Работнички.
Кирил Николовски | |
---|---|
Кире во сезоната 2012/13 | |
Прекар(и) | Кире |
Позиција | Крилен центар Центар |
Висина | 2,10 м |
Тежина | 105 кг |
Лига | Прва македонска кошаркарска лига |
Клуб | Работнички |
Број | 11 |
Роден | 9 јуни 1988 Скопје, СР Македонија, СФРЈ |
Националност | Македонец |
Проф. кариера | 2006– |
Клубови | |
| |
Репрезентација | |
Инфо од: 23.02.2018. |
Клупска кариера
Професионалната кариера ја започнал во МЗТ Аеродром во сезоната 2006/07.[1] Во МЗТ продолжил да настапува и во сезоната 2007/08.[2] За сезоната 2008/09, Николовски се преселил во Вардар.[3][4] Следната сезона потпишал за новиот прволигаш Вардар Осигурување. Со тој клуб станал вицепрвак во Лигата и полуфиналист во Купот 2010. Поради распаѓањето на Вардар Осигурување, Николовски се вратил во МЗТ Аеродром за сезоната 2010/11. Со МЗТ стигнал до полуфиналето во Првенството и до финалето во Купот 2011 каде биле поразени. Со Фени Индустри бил вицепрвак во Првенството 2011/12 и Купот 2012. Следните три сезони пак се вратил во МЗТ Аеродром. Во тој период ја освоил Првата лига во сезоните 2012/13, 2013/14, 2014/15, како и Купот на Македонија во изданијата 2013 и 2014.Во јули 2015 година, Кирил повторно потпишал за Фени Индустри.[5][6] Во јуни 2016 година, Кирил потпишал нов договор со Фени Индустри.[7] Во јуни 2017 година, тој се преселил во Карпош Соколи.[8] Поради финасиската криза во Карпош Соколи, тој во ноември го напуштил клубот и потпишал за Работнички.[9][10][11] Во таа сезона, Николовски со Работнички бил вицепрвак во Купот 2018, додека во Првенството бил првак. За сезоната 2018/19, Николовски продолжил во редовите на Работнички.[12] Поради повреда, уште од февруари 2019 година, тој го пропуштил остатокот на Првенството.[13][14] Со Работнички, Николовски го освоил Купот 2019, додека во Првенството бил вицепрвак. За сезоната 2019/20, Николовски останал во Работнички.[15] Кирил бил сè уште под траечки договор со Работнички за сезоната 2020/21.[16] Во средината на март 2021 година, Кирил Николовски се здобил со повреда на лактот, што довело до неможност да настапува во дресот на Работнички.[17]
Репрезентативна кариера
Николовски исто така е член на Кошаркарската репрезентација на Македонија, кога ја претставувал Македонија на Европското првенство под 16 години. Тој се натпреварувал со сите кошаркарски генерации: под 16 години, под 18, под 20 па дури и со сениорската селекција.[18] Тој и помогнал на Македонија да обезбеди пласман на Евробаскетот 2011.[19]
Во јануари 2020 година, селекторот на Македонија, Александар Тодоров го објавил поширокиот состав за февруарските квалификации за Евробаскетот 2021 во кој бил вклучен Николовски.[20] Но во февруари, по првиот филтер, тој отпаднал од составот.[21]
Успеси
Титули
- Прва македонска лига (3) : 2012/13, 2013/14, 2014/15
- Куп на Македонија (2) : 2013, 2014
- Прва македонска лига (1) : 2017/18
- Куп на Македонија (1) : 2019