Кэтрин Зета-Жонс
Кэтрин Зета-Жонс (Англи: Catherine Zeta-Jones, CBE, 1969 оны есдүгээр сарын 25-нд төрсөн) нь Уэльсийн жүжигчин, дуучин юм.
Кэтрин Зета-Жонс | |
---|---|
Төрсөн | Кэтрин Зета-Жонс 1969 оны 9 сарын 25 Нэгдсэн Вант Улс, Уэльс, Суонси |
Үндэстэн | Британи |
Ажил | Жүжигчин |
Он жил | 1981–одоо |
Эхнэр (нөхөр) | Майкл Дуглас (2000–одоо) |
Хүүхэд | Дилан Майкл Дуглас Кэрис Зета-Дуглас |
Замнал
Тайзны замналаа бага наснаасаа эхэлсэн тэрээр Британий болон Америкийн телевизийн ба уран сайхны олон олон кинонд гол болон туслах дүрүүд бүтээж байсан бөгөөд Холливүүдийн замналаа 1998 онд Зоррогийн баг тулаант кино, 1999 онд Ан гэмт хэргийн триллер кинонуудад тоглож эхэлж байв. Харин 2000 онд Майкл Дуглас, Бенисио дель Торо, Дон Чидл, Сальма Хайек зэрэг ансамблей жүжигчидийн тоглосон Траффик киноны Хелена Айалагийн дүрээр Алтан бөмбөрцөгийн Шилдэг эмэгтэй туслах дүрийн шагналд анх удаа нэр дэвшиж амжилт олж байв.
Зета-Жонс алдарт Бродвейн Чигаго хөгжимт жүжгээс сэдэвлэн 2002 онд Роб Маршаллын найруулсан хөгжимт драмын төрлийн Чигаго кинонд Велма Келлигийн дүрийг бүтээж Оскар, БАФТА, Гилдийн шагналыг тус тус хүртэж улмаар Алтан бөмбөрцөгийн хөгжимт инээдмийн киноны Шилдэг эмэгтэй дүрийн номинацид нэр дэвшиж байв. Оскар хүртсэн тэрээр түүний дараа 2003 онд Жорж Клуни, Жеффри Раш, Билли Боб Торнтон нарын Оскартнуудтай романтик, инээдмийн төрлийн Тэсэшгүй араншин кинонд, 2004 онд гэмт хэргийн сэдэвтэй инээдмийн төрлийн Оушений арванхоёр найз кинонд Жорж Клуни, Брэд Питт, Мэтт Дэймон, Энди Гарсиа, Венсан Кассель, Жулия Робертс нарын ансамблейтай хамт, Том Хэнксийн гол дүрд нь тоглосон Нисэх онгоцны буудал кинонд онгоцны үйлчлэгч Амелиа Уоррений дүрд тус тус тоглосон билээ.
Доун Фрэнч болон Женнифер Саундерс нарын Британий алдартай элэглэгч нарын Фрэнч ба Саундерс теле шоунд Зета-Жонсыг Кэтрин Спартак-Зета-Дуглас-Жонс нэртэйгээр ээлжит цувралаараа элэглэсэн нь шоу нэвтрүүлгийн нэрийг ихэд өргөж өгсөн гэдэг. Дэлгэрүүлбэл Зета-Жонсын хадам аавын нь тоглосон (Спартак киноны үйл явдлаар зохиомжилж Америк, Уэльс аялгыг хэт хатуулаг болгон ярилцдаг болоор Фрэнч, Саундерс нар элэглэн тоглодог билээ.
Түүнчлэн Зета-Жонсын зургийг Allure,[1] Harper's Bazaar, W, Vanity Fair болон Vogue зэрэг маш олон сэтгүүл, хэвлэл нүүр, гол гол хуудсууддаа тавьж байсан бөгөөд People[2] сэтгүүлийн "1998 оны Хамгийн дур булаам хүмүүс" санал асуулгын 68-д, FHM' сэтгүүлийн "2005 оны дэлхийн хамгийн сэтгэл татам 100 эмэгтэй" жагсаалтын 82-т, VH1' сэтгүүлийн "Халуунаас халуухан 100 бүсгүй" жагсаалтын 50-д тус тус эрэмбэлэгдэж байжээ.
Хувийн амьдрал
Зета-Жонс нөхөр Майкл Дугластайгаа 1999 оны гуравдугаар сараас эхлэн үерхэж[3] байгаад 2000 оны арваннэгдүгээр сарын 18-нд Нью-Йорк хот дахь Плаза зочид буудалд сүр дуулиантайхан гэрлэжээ.[4] Тэд хоёр хүүхэдтэй ба хүү Дилан Майкл Дуглас нь (хожим нь Дилан Томас болсон) 2000 оны наймдугаар сарын 8-нд мэндэлсэн ба анхны хүүхдээ тээж явахдаа Траффик кинонд тоглож байжээ. Охин Кэрис Зета-Дуглас нь 2003 оны дөрөвдүгээр сарын 20-нд мэндэлсэн бөгөөд одоо гэр бүлээрээ Нью-Йоркт амьдарцгаадаг ч дэлхийг тойрон аялан болон суурьшин амьдардагаараа онцлогтой гэр бүл юм. Мөн түүнчлэн Барбадос, Бермуд, Манхэттен, Аспен, Кэбэк, Мальорка зэрэг арал улс, Франц, Канадын мужуудад үнэт цаасны томоохон хувьцаа эзэмшихийн сацуу бүгдэд нь гэр, эдлэн газруудтай гэдэг.[5]
Кино бүтээлүүд
Жил | Title | Нэр | Notes |
---|---|---|---|
1990 | Les 1001 nuits | Scheherazade | English: 1001 Nights |
1991 | The Darling Buds of May | Mariette | |
1992 | Christopher Columbus: The Discovery | Beatriz | |
1993 | Splitting Heirs | Kitty | |
1994 | The Cinder Path | Victoria Chapman | |
1994 | The Return of the Native | Eustacia Vye | |
1995 | Catherine the Great | Catherine II | |
1995 | Blue Juice | Chloe | |
1996 | The Phantom | Sala | |
1996 | Titanic | Isabella Paradine | TV miniseries |
1998 | The Mask of Zorro | Eléna (De La Vega) Montero |
|
1999 | Entrapment | Virginia Baker |
|
1999 | The Haunting | Theo |
|
2000 | High Fidelity | Charlie Nicholson | |
2000 | Traffic | Helena Ayala |
|
2001 | America's Sweethearts | Gwen Harrison | |
2002 | Chicago | Velma Kelly |
|
2003 | Sinbad: Legend of the Seven Seas | Marina | Voice role |
2003 | Intolerable Cruelty | Marylin Hamilton Rexroth Doyle Massey | |
2004 | The Terminal | Amelia Warren | |
2004 | Ocean's Twelve | Isabel Lahiri | Nominated — Broadcast Film Critics Association Award for Best Cast |
2005 | The Legend of Zorro | Eléna (De La Vega) Montero | Nominated – People's Choice Award for Favorite Female Action Star |
2007 | No Reservations | Kate Armstrong | |
2007 | Death Defying Acts | Mary McGarvie | |
2009 | The Rebound | Sandy | |
2012 | Playing for Keeps | Denise | Completed |
2012 | Lay the Favorite | Tulip Heimowitz | |
2012 | Rock of Ages | Patricia Whitmore | |
2013 | Broken City | Emily Barlow | Completed |
2013 | The Bitter Pill | Post-production | |
2013 | RED 2 | Filming |
Шагналууд
Жил | Нэр | Role | Одон |
---|---|---|---|
1981 | Annie | Annie | |
1983 | Bugsy Malone | Tallulah | |
1986 | The Pajama Game | Chorus | |
1987 | 42nd Street | Peggy Sawyer | |
1989 | Street Scene | Mae Jones | |
2009 | A Little Night Music | Desiree Armfeldt |
|
Эшлэл
Холбоос
- Кэтрин Зета-Жонс — Internet Movie Database
- People.com дахь Кэтрин Зета-Жонс
- Кэтрин Зета-Жонс — AllMovie
- Загвар:Charlie Rose view
- Кэтрин Зета-Жонс, түүний ажил, амьдралын тухай (WorldCat каталогид)
- Загвар:Guardiantopic
- Загвар:NYTtopic