ကင်းရှေ့ရွာ၊ သရက်ချောင်းမြို့နယ်

ကင်း​ရှေ့ရွာသို့ ကားလမ်းဖြင့်လွယ်ကူစွာ သွားလာနိုင်သည်။ ထားဝယ် -မြိတ် ကားလမ်း​ပေါ်ရှိ ရှင်မုတ္ထီးကျေးရွာမှတဆင့် ​၆ မိုင်ခန့်သွား​ရောက်ရမည် ဖြစ်ပြီး ​ကျောက်ရပ်ရွာမှတ်ဆင့်​သော်လည်း​ကောင်း ​ညောင်ဇင်ရွာမှ ၎င်းသွား​ရောက်နိုင်သည်။

ကင်း​ရှေ့​ကျေးရွာ၏ အဓိက စီးပွား​ရေးမှာဥယျာဉ်​ခြံများ စိုက်ပျိုးကြပြီး ရာဘာ ကွမ်းသီး သီဟိုပင်များစိုက်ပျိုးပြီး အသက်​မွေးကြသည်။ မိုးရာသီတွင် ဆန်စပါးများကို စိုက်ပျိုးကြသည်။ ​ကျေးရွာလူငယ်အများစုမှာ ထိုင်းနိုင်ငံ တွင် ​ရွေ့​ပြောင်းအလုပ်သမား များအဖြင့် အလုပ်သွား​ရောက်လုပ်ကိုင်လျက်ရှိပြီး အချို့လူငယ်များမှာ ​ရေလုပ်သားများ အဖြင့် ငါးဖမ်း​လှေများတွင် လုပ်ကိုင်ကြသည်။

ကင်း​ရှေ့​ကျေးရွာတွင် အ​ခြေခံပညာအလယ်တန်း အဆင့် စာသ​င်ကျောင်းတစ်​ကျောင်းရှိပြီး ​နွေရာသီ​ကျောင်းပိတ်ရက်တွင် ဘုန်း​တော်ကြီး​ကျောင်းတွင် ယဉ်​ကျေးမှုသင်တန်းများကို ဆရာ​တော်မှ ပို့ချသင်ကြား​ပေးသည်။

ကင်း​ရှေ့​ရွာသူ ရွာသားအားလုံးသည် ​ထေရဝါဒ ဗုဒ္ဓဘာသာ ကို ကိုးကွယ်ကြပြီး ဘုန်းကြီး​ကျောင်းကို ရွာ​တောင်ပိုင်းတွင် တည်​ဆောက်ကိုးကွယ်ထားသည်။ ရွာအဝင်ဝရှိ သင်္ဘောဝှက်​တောင်တွင် ​တောင်​ပေါ်​ကျောင်းတစ်​ဆောင်ကိုလည်း တည်​ဆောက်ကိုးကွယ်ထားကြသည်။