ခင်စန်းလှိုင်

ဒေါ်ခင်စန်းလှိုင် (၁၆ အောက်တိုဘ ၁၉၅၆ မွေးဖွား) သည် မြန်မာနိုင်ငံသား နိုင်ငံရေးသမားနှင့် ရှေ့နေတစ်ဦး ဖြစ်ပြီး လက်ရှိတွင် စစ်ကိုင်းတိုင်းဒေသကြီး ပုလဲမြို့နယ် မဲဆန္ဒနယ်ကိုယ်စားပြု ပြည်သူ့လွှတ်တော် ကိုယ်စားလှယ် ဖြစ်သည်။ ၁၉၉၀ ရွေးကောက်ပွဲတွင် ဝက်လက်မြို့နယ် မဲဆန္ဒနယ်မှ အရွေးခံခဲ့ရပြီး စစ်အစိုးရမှ ရွေးကောက်ပွဲ ရလဒ်ကို အသိအမတ် မပြုဘဲ ထောင် ၂၅ နှစ် ချမှတ်ခဲ့သည်။^[၁] သူမသည် လက်ပတောင်းတောင် ကြေးနီ စီမံကိန်း လှုပ်ရှားမှုကို ဦးဆောင်ခဲ့သည်။ ၂၀၁၂ ခုနှစ် ကြားဖြတ် ရွေးကောက်ပွဲတွင်လည်း စစ်ကိုင်းတိုင်းဒေသကြီး၊ ပုလဲမြို့နယ် မဲဆန္ဒနယ်ကိုယ်စားပြု ပြည်သူ့လွှတ်တော် ကိုယ်စားလှယ်အဖြစ် ဆောင်ရွက်ခဲ့သည်။

ဒေါ်ခင်စန်းလှိုင်သည် ဝက်လက် အစိုးရအထက်တန်းကျောင်းတွင် ပညာသင်ကြားခဲ့ပြီး ၁၉၈၂ ခုနှစ်တွင် ဥပဒေဘွဲ့ကို ရရှိခဲ့သည်။^[၁] ၁၉၈၅ ခုနှစ်တွင် တရားရုံးချုပ် ရှေ့နေအဖြစ် လုပ်ကိုင်ခဲ့သည်။^[၁]