အောက်စဖို့ဒ်တက္ကသိုလ် ပုံနှိပ်လုပ်ငန်း
အောက်စဖို့ဒ်တက္ကသိုလ် ပုံနှိပ်လုပ်ငန်း (အင်္ဂလိပ်: Oxford University Press, OUP) သည် အောက်စဖို့ဒ်တက္ကသိုလ်၏ တက္ကသိုလ်ပုံနှိပ်လုပ်ငန်းတစ်ခုဖြစ်၍ ကမ္ဘာပေါ်တွင် အကြီးဆုံးသော တက္ကသိုလ်ပုံနှိပ်လုပ်ငန်းတစ်ခုဖြစ်သည့်အပြင် ကိမ်းဘရစ်ချ်တက္ကသိုလ် ပုံနှိပ်လုပ်ငန်းနောက် ဒုတိယသက်တမ်းအရှည်ဆုံးလည်းဖြစ်သည်။[၁][၂][၃] ဤလုပ်ငန်းသည် အောက်စဖို့ဒ်တက္ကသိုလ်၏ ဌာနတစ်ခုဖြစ်၍ တက္ကသိုလ် ဒုတိယအဓိပတိက ခန့်အပ်သော တက္ကသိုလ်ဆရာ (၁၅) ဦးဖြင့် စီမံထိန်းကျောင်းကြ၍ ၎င်းတို့ကို "ပုံနှပ်လုပ်ငန်း ကိုယ်စားလှယ်များ" အဖြစ်လည်း သိရှိကြလေသည်။ ကိုယ်စားလှယ်များတွင် အတွင်းရေးမှူးဆိုသူ ထားရှိပြီး ၎င်းက ဦးဆောင်၍ OUP ၏ အလုပ်အမှုဆောင်ချုပ်နှင့် အခြားတက္ကသိုလ် အဖွဲ့အစည်းများအတွက် အဓိကကိုယ်စားလှယ်တော်အဖြစ် ထမ်းရွက်သည်။ အောက်စဖို့ဒ်တက္ကသိုလ် ပုံနှိပ်လုပ်ငန်းသည် ၁၇ ရာစုကတည်းကပင် အပြောင်းအလဲများစွာမရှိသည့် အုပ်ချုပ်မှုဆိုင်ရာ ဖွဲ့စည်းတည်ဆောက်ပုံတည်တစ်ခု ရှိခဲ့ကြလေသည်။.[၄] လုပ်ငန်းသည် အောက်စဖို့ဒ်မြို့၊ ဂျဲရစ်ခို အတွင်းဆင်ခြေဖုံး၊ ဆမ်းမားကောလိပ်နှင့် မျက်နှာချင်းဆိုင်၊ ဝေါလ်တန်လမ်းတွင် တည်ရှိသည်။
 | |
| မိခင် ကုမ္ပဏီ | အောက်စဖို့ဒ်တက္ကသိုလ် |
|---|---|
| တည်ထောင်ခဲ့ | ၁၅၈၆ |
| မူလနိုင်ငံ | ယူနိုက်တက်ကင်းဒမ်း |
| ရုံးချုပ် တည်နေရာ | အင်္ဂလန်၊ အောက်စဖို့ဒ်မြို့ |
| အရေးပါ ပုဂ္ဂိုလ် | Nigel Portwood, CEO |
| ပုံနှိပ်ထုတ်ဝေမှု အမျိုးစား | စာအုပ်များ၊ တက္ကသိုလ်ပညာရပ်ဆိုင်ရာဂျာနယ်များ၊ ဂီတသင်္ကေတ စာရွက်များ |
| Imprints | Clarendon Press |
| No. of employees | ၆,၀၀၀ |
| တရားဝင် ဝဘ်ဆိုဒ် | global.oup.com |
