Hipst

De Gemeen Hipst liggt in’n Noorden vun’n Landkreis und grenzt an de Gemenen Basdaal, Oerel un Eversdörp, de ok all to de Samtgemeen Geestboorn tellt. Na Noorden un na Westen hen slutt sik de Landkreis Cuxhoben an.

De Landschop is vör allen vun de Bueree prägt, bargt aver ok veel Wooldrebeden. In’t Gemeenrebett liggt butendem ok de Born vun de Geest, wat de nöördlichste Tostroom na de Werser is un in Bremerhoben münnen deit.

En Översicht över de Geologie un Entstahn vun dat Rebeet vun’n helen Landkreis is in den Artikel Landkreis Rodenborg (Wümm) beschreven un kann dor naleest waarn.

De hüütige Karn vun’n Hipst is de Oortsdeel Löh, woneem vör’n Tweeten Weltkrieg en Wahnsteed för de Marine boet worrn is.

De Hööv Freedag un Sünnerwoold ut de Gemeen Op de Hööv sünd 1922 an de Gemeen Hipst wesselt.^[1] De Gemeen Op de Hööv is mit de Gemeenreform in Neddersassen an’n 1. März 1974 ingemeent worrn. To de sülven Tiet is ok de Samtgemeen inricht worrn.

Hipst is evangeelsch-luthersch präägt un billt mit de Bethlehem-Kark en egen Kaspel. Disse Kark is 1958 bet 1960 boot un 1961 egenstännig worrn. Vörher hett de Oort to dat Kaspel Örel tohöört.

För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.

De Gemeen Hipst hett siet 1990 en Partnerschop mit Hüpstedt in de Gemeen Dünwald in’n Unstrut-Hainich-Kreis, Döringen.

De Gemeenraat vun Hipst besteiht ut ölven Lüüd. Siet de letzten Kommunalwahl in’n September 2016 sett de sik as folgt tohopen:

De Volksbank Oosterholt-Scharmbeek hett in Hipst in de Bahnhoffstraat 27 en Filiaal.

Hipst sülvst liggt an keen gröttere Straat. Dör den Oortsdeel Op de Hööv föhrt aver de K 116, de de L 128 mit de B 71/B 74 verbinnt. In’n Süüden vun Hipst verlöppt de Variante vun de plaante Bundsautobahn 22, de an’n leefsten ümsett warrn schall.

Hipst hett en Bahnhoff (Bahnhoff Op de Hööv), de an de Bahnlien Buxthu–Bremerhoben liggt.