Disse Artikel is man blots en Stubben. Du kannst Wikipedia helpen un em verbetern. De Weltbank (engelsch World Bank) betekent in’n wieden Sinne de Weltbankgruppe, ene UN-Sunnerorganisatschoon, de in de US-amerikaansche Höövdstad Washington, D.C. sitt un ene Bank för Uphülpe in upwassen Staten is. Na den Tweden Weltkrieg hadde de Weltbank eerst de Upgave de Staten, de de Krieg verwööst hadde Stütt to geven.
De Weltbankgruppe sett sik uut fiev Organisatschonen tohope, de den Recht na egenstännig sind:
- International Bank for Reconstruction and Development, IBRD; de Weltbank in’n engen Sinn
- International Development Association (IDA)
- International Finance Corporation (IFC)
- Multilateral Investment Guarantee Agency (MIGA)
- International Centre for Settlement of Investment Disputes (ICSID)
De Organisatschonen in de Weltbankgruppe verbind een gemeensam Präsident un deelwiese ene gemeensame Adminstratschoon.
Unnerschede to’n Internatschonalen GeldfondsBornkood ännern
De Weltbank is wat anners as de Internatschonale Geldfonds (IGF), ook wenn bede Institutschonen in de glieken Tied upkemen un den Sitt in Washington D.C. hebbet. Heel simple kann een seggen: De Weltbankgruppe stellt dat Geld för Uphülpe un Upbu in upwassen Länder up lange Sicht praat. De Internatschonale Geldfonds stellt Länner Geld för korte Tied praat, wenn se Problemen hebbet Uutgaven to talen. De Underscheed is vandage man minner klaar, denn de IGF het ook anfungen Kredite för Uphölp un Upbu up lange Sicht praattostellen.
De gemeesame Upgave för de Institutschonen van de Weltbank is med finantschlle Hülpe, Raad un technische Hülpe de Weertschop in den Staten, de Maten sind, vöran to bringen un internatschoonal ranwassen Länner uptohülpen. De Weltbankgruppe het 2008 38,2 Milliarden US-Dollar Lehnen, Toschööt, Bihülpe, Bate, Andele, Investitschonen un Garantien an de Maten un ook an private Investers uutgeven.
Dat maket de Bank med Lehnen up lange Tied oder ook med tinsfriegen langfristigen Krediten för Investitschoonsprojekte, Reformprogramms, technische Hülpe un vandage ook indem dat se de privaat Weerdschop hülpt un Andele bi Firmen het oder Garantien övernimt.
De Weltbank bringt eenmaal dat Jaar den World Development Report (plattdüütsch Weltverloopsbericht) ruut, de sik med enen Thema befaat, dat för de akutelle Diskuschoon ümme Uphülpe wichtig is. In sienen detailrieken Analysen faat de Bericht nich bloot de Diskusschoon tohope, man stött de internatschonale Debatte an, wat wichtig för den weltwiedern Verloop in de Weerdschop is.
Präsidenten van de WeltbankgruppeBornkood ännern
De Stemmrecht sind na Andeelsegendom verdeelt. 2010 gav dat ene Reform, de de Stemmrechtee anners wicht. So kregen besunners junge Industrielänner as China Inflood. De Länner, de med düsse „Voice Reform – Phase 2“ Stemmrechte winnen konnen weren ookSüüdkorea, de Törkie, Mexiko, Singapur, Grekenenland, Bruunsilien, Indien, un Spanien. De Stemmandeel för de meesten Industriestaten worde minder, Nigeria, USA, Russland un Saudi-Arabien bleven bi de lieke Taal Stemmrechten. 2020 hebbet de USA (15,69 % – 2019: 15,48 %) den gröttsten Deel Stemmrechte, denn folgt Japan (7,62 % – 2019: 7,79 %), China (5,17 % – 2019: 4,80 %), Düütschland (4,17 % – 2019: 4,09 %), dat Vereenigte Köningriek(3,87 % – 2019: 3,81 %) un Frankrik (3,87 % – 2019: 3,81 %).[1]
De Weltbank-Gruppe höört 189 Staten to.[2] Alleen fiev Staten sind kene Maten. Dat sind:
- Axel Dreher: Die Kreditvergabe von IWF und Weltbank: Ursachen und Wirkungen aus politisch-ökonomischer Sicht. wvb Berlin, Berlin 2003, ISBN 3-936846-54-5.
- Cord Twele: Die Entwicklungspolitik der Weltbank-Gruppe vor dem Hintergrund der Schuldenkrise der »Dritten Welt« seit Beginn der achtziger Jahre. Frankfort an’n Main 1995.
- John B. Cobb Jr.: The earthist challenge to economism – a theological critique of the World Bank. St. Martin’s Press, New York 1999, ISBN 0-312-21838-9.
- Eric Toussaint: The World Bank: A Critical History, Pluto Press, London 2023
.svg){kind=small}
.svg){kind=small}
