Kreis Zeven

In’n Noorden legen de Kreisen Bremervöör un Stood. In’n Oosten dee de Kreis an’n Kreis Horborg grenzen, in’n Süden an’n Kreis Rodenborg un in’n Süüdwesten an’n Kreis Veern. In’n Westen leeg de Kreis Oosterholt.

De Kreis Zeven is an’n 1. April 1885 ut dat Amt Zeven billt worrn.

Bi de Kreisreform 1932 is de Kreis denn mit den Kreis Bremervöör to’n ne’en Landkreis Bremervöör tohoopfaat worrn.

Wapen

Dat Wapen wiest baven vörn op roden Grund twee sülvern Slötels, de krüüzt sünd. Baven achtern wiest dat op gollen Grund den Hilligen Vitus. Ünnen is en witt Peerd op roden Grund to sehn.

De Slötels staht as Symbool för dat Arzstift Bremen (Bremer Slötels) un Vitus is de Schuulhillige von de Kark in Zeven. Dat witte Peerd kummt ut dat Wapen von de Provinz Hannover (Neddersassenpeerd).

• 1885–1887: Gustav von Wick
• 1887–1895: Bernhard Hüger
• 1895–1900: Ludwig Lessing
• 1900–1930: Carl von Hammerstein-Gesmold
• 1930–1932: Ludwig Hamann

De Gemenen von’n Kreis Zeven (Stand 1. Dezember 1910):