William Shakespeare
William Shakespeare (* April 1564 in Stratford-upon-Avon; † 23. April 1616 ok dor) weer en engelschen Schriever vun Theaterstücken. Shakespeare warrt allgemeen as de wohrschienlich gröttste Schriever in engelsche Spraak ansehn.
Shakespeare is 1564 in Stratford-upon-Avon as Söhn vun den Hanschenmaker un Öllermann John Shakespeare un Mary Arden boren un dor ok opwussen. Sien genauen Geboortsdag is nich bekannt, aver dat steiht fast, dat he an’n 26. April döfft worrn is. Mit 18 al hett he heiraadt, Anne Hathaway, un harr mit ehr twee Döchter un een Söhn. In de Tiet twischen 1585 un 1592 hett he in London as Schauspeler un Stückschriever för’t Theater anfungen. Üm un bi 1613 hett he sik wedder Stratford-upon-Avon trüchtagen un is dor 1616 doodbleven. 1623 is de Eerste Folio rutkamen, in den 36 vun Shakespeare sien Warken tohoopfaat weren, un de vör en ganze Reeg vun siene Warken de wichtigste un öllste Born för den Originaltext is.
Alltohoop sünd vun Shakespeare 38 Stücken, 154 Sonetten, twee längere Vertellgedichten un welk körtere Gedichten nableven. De 154 Sonetten hett Renate Wüstenberg kumplett in’t Plattdüütsche översett.
Warken
- †: wohrschienlich blot to’n Deel vun Shakespeare sülvst schreven
|
|
|
|
|
|
Weblenken
- Welk vun Shakespeare sien Sonetten översett vun Martha-Luise Lessing (plattdüütsch, engelsch, hoochdüütsch)
- Över Shakespeare sien Sonetten översett vun Renate Wüstenberg (plattdüütsch, hoochdüütsch)