आम्हारिक भाषा

आमहारिक भाषा (आमहारिक लिपि: አማርኛ आमारिन्ना) इथियोपियाय् प्रचलित छगु सेमेतिक भाय् ख। थ्व इथिओपियन अर्थदक्स गिर्जाघरया साहित्यिक भाषा गि'इज भाषा नाप स्वापू दुगु भाय् ख। सकल हलिमय् थ्व भाय् २ कोटि मनुतेसं छ्येलि। थ्व भाय् छ्येलिपिं १ कोटि ७० लखः मनू इथियोपियाय् जक्क दु।

१३गु शताब्दीया अन्त बिलय् आम्हरिक भाषा इथिओपियाया शासक पुचःया भाय् जुवन। १७गू शताब्दीइ ८०पू स्वया अप्व भाय् दुगु इथियोपियाया लिंगुवा फ्रांका वा सार्वजनिक भाषाया रुपय् थ्व भाय् पलिस्था जुल। १९गू शताब्दीइ प्रथम सरकारी ज्याया निंतिं च्वयेगु भाषाया हिसाबं थ्व भाय् छ्येला हल। सब-सहारा अफ्रिकाय् दकलय् साहित्यसमृद्ध भाषाय् आमहारीक छगु ख।

तिग्रिनिया व अंग्रेजी नापं आमहारिक इथिओपियाया सरकारी भाषा ख। थ्व देय्‌या प्रशासन, जनमाध्यम, वाणिज्य व ब्वंकिगु भाय् नं थ्व हे ख।