Амхарски јазик

Уште од 12 век амхарскиот бил службен јазик на судовите, кралските дворови, трговски јазик, јазик на војската и јазик за секојдневна комуникација. Денес останува како службен јазик на Етиопија.^[6][7] Според податоците од 2007 година, амхарскиот го зборувале 21.6 милиони луѓе во Етиопија^[8] а има и дополнителни 4 милиони луѓе кои го зборуваат како втор јазик.^[9] Дополнително, надвор од Етиопија јазикот го зборуваат околу 3 милиони . Етиопските Евреи во Етиопија и Израел исто така зборуваат на амхарски.^[10] Во Вашингтон јазикот станал еден од шестте јазици, различни од англискиот, дел од Актот за јазична пристапност од 2004 година, со што се овозможува владини услуги и образование на амхарски.^[11] Исто така, амхарскиот се смета за свет јазик на Растафарите и често се користи од следбениците на Растафаријанското движење. Амхарскиот е најзборуваниот јазик на Африканскиот Рог.^[12]

Амхарскиот се пишува со етиопското писмо, кое е абугида.^[13] Секој карактер од писмото се состои од согласка и самогласка, но основниот облик на карактерот е зададен од согласката. Писмото има повеќе различни карактери за, денес, исто гласови, но тоа се должи на фактот што во минатото сите тие имале различни гласновни вредности. Со текот на времето фонетскиот систем на јазикот се променил, но не и писмото.^[13] Карактерите на амхарски се именуваат како „фидели“.

„Фидели“

Правописни знаци

፠ знак за почеток на параграф

፡ одделување на зборови

። точка

፣ запирка

፤ точка-запирка

፥ две точки

፦ вовед за текст од описна претставка

፧ прашалник

፨ одделувач на параграфи

• Избрана библиографија за амхарскиот
• Курс по амхарски јазик