Andromache
Andromákhi Dimitropoúlou (fødd 12. oktober 1994), kjend under artistnamnet Andromache, er ein gresk songar. Ho representerte Kypros i Eurovision Song Contest 2022 med låten «Ela».
Andromache | |||
| |||
Fødd | 12. oktober 1994 (29 år) | ||
---|---|---|---|
Fødestad | Siegen | ||
Fødenamn | Ανδρομάχη Δημητροπούλου | ||
Opphav | Hellas | ||
Aktiv | 2015– | ||
Sjanger | pop | ||
Instrument | vokal | ||
Verka som | songar-låtskrivar |
Bakgrunn
Dimitropoúlou vart fødd i Siegen i Tyskland, men familien flytta til Lekhená i Hellas då ho var ti år gammal. Seinare flytta ho til Athen, der ho studerte tysk filologi ved Universitetet i Athen. Om kveldane song og opptredde ho på utestader og konsertlokale rundt om i hovudstaden.[1]
Dimitropoúlou vart kjend for eit større publikum i 2015, då hun deltok i den andre sesongen av The Voice of Greece.[2] Ho vann ikkje talentshowet, men to år etter sikra ho seg ein platekontrakt med Panik Records.[3] Same år slapp ho sin fyrste singel, «To feggári» (Το φεγγάρι; månen).[4]
Den 9. mars 2022 kunngjorde den kypriotiske kringkastaren CyBC at dei hadde vald Dimitropoúlou til å representere Kypros under Eurovision Song Contest 2022 i Torino i Italia.[5] Ho konkurrerte med låten «Ela», men vart slått ut i semifinalen.[5][6]
Diskografi
Singlar
- 2017 – «To feggári»
- 2018 – «Den mporó»
- 2019 – «Den se diálexa»
- 2019 – «Na ´Soun Pséma»
- 2020 – «S´ agapó»
- 2020 – «Thalassáki»
- 2021 – «Vásano mou»
- 2022 – «Ela»