Mata Hari av Samira Efendi

«Mata Hari» var eit av 229 bidrag som kom til inn İctimai Televiziya (İTV) si opne tevling for å finne det aserbajdsjanske bidraget til Eurovision Song Contest 2021.^[4][5] Av dei innkomne bidraga, gjekk seks vidare til gjennomlytting og vurdering av profesjonelle fokusgrupper. Til slutt vart «Mata Hari» vald som landets bidrag. Songen er skriven og produsert av den nederlandske låtskrivartrioen Amy van der Wel, Luuk van Beers og Tony Cornelissen.^[6] Han vart framført av songaren Efendi.

Tittelen vart offentleggjord 13. mars, og songen og ein tilhøyrande musikkvideo vart slopne 15. mars 2021.^[3][6]

Tittelen viser til Mata Hari, ein nederlandsk dansar som vart dømd til døden for spionasje under den fyrste verdskrigen.^[6] Ifølgje Efendi handlar songen òg om «krafta til kvinner, som fengslar deg med sin posisjon, som overraskar deg med sin endelause styrke, og som rører deg på mystiske måtar. Kvinner i samfunnet er ofte forbunden med ømheit, omsut og veikskap, men for nokon av dei har livet bode på grufulle lekser som ikkje alle menn kan takla».^[6]

«Mata Hari» var det aserbajdsjanske bidraget i Eurovision Song Contest 2021, etter at Efendi vart vald internt til å representere Aserbajdsjan av kringkastaren İctimai Televiziya (İTV). Ho skulle opphavleg ha representert landet i Eurovision Song Contest 2020, men tevlinga vart avlyst på grunn av koronaviruspandemien.^[7]

Aserbajdsjan vart trekt ut til å opptre i den fyrste semifinalen i Rotterdam Ahoy tysdag 18. mai 2021. I semifinalen kom «Mata Hari» på åttendeplass med 138 poeng.^[8] Sidan han vart blant dei ti beste, kvalifiserte han seg til finalen laurdag 22. mai.^[9] I finalen var «Mata Hari» det 21. bidraget på scena av 26 deltakarar. Songen enda til slutt på 20. plass med 65 poeng.^[10]

Songen var det andre Eurovision-bidraget med tittelen «Mata Hari». Noreg deltok med ein låt med same tittel i 1976, framført av Anne-Karine Strøm.