  | |
| Tipe | Montanha e volcan |
|---|---|
| Localizacion | |
| Estat | França |
| Unitat administrativa | Puèi de Doma |
| Serrada | Monts Dòr |
 | |
| Donadas | |
| Altitud | 1 512 m |
| Material | traquiandesita |
| Istòria | |
| Edat | 2 milions d'ans |
| Erupcion | Desconeguda |
La bana d'Ordancha o tuc de Basi[1] es un som d'origina volcanica situat dins los monts Dòr, en Auvèrnhe, dins lo departament de Puèi de Doma.
Culmina a una altitud de 1 512 m[2] e susplomba la vila de La Borbola. Facil d'accès dempuèi lo còl de Gueri, s'i tròba una supèrba vista panoramica a 360° (taula d'orientacion a la cima) sus los Monts Domas, lo puèi de Sant Circ mas tanben los Mmonts de Cantal. A la fin de la montada, un escalièr de fusta facilita la progression dels caminaires e dels passejaires.
Bana significa «còrna» per l'aspècte de la montanha.[3]
La Bana d'Ordancha es una cima d'origina volcanica qu'aparten a l'ensemble Monts Dòr–Sant Circ eissit d'una erupcion de traquiandesita. Es un volcan de tip estrombolian aparegut i a mai o mens 2 milions d'ans e, dempuèi sa formacion, patís una intensa erosion causada per l'escolament, lo vent e sustot la gelifraccion. Los talusses d'esbudèls sul flanc sud datan de la fin de la glaciacion de Würm.
La Bana d'Ordancha a donat tanben lo nom a una ròcha magmatica volcanica, l'ordanchita, varietat de traquiandesita que fai partida de las tefritas.
La cresta que va del puèi Lop a la bana d'Ordancha (sus un ais nòrd-èst al sud-oèst) constituïssiá un aerodròm istoric del vol a vela.
Sas coordenadas son 45° 37′ 00″ N, 2° 47′ 00″ E a mi-pista e son altitud 1 460 m.[4]
