Demografia de Japon
Japon es lo primièr país asiatic que coneguèt un regim demografic modèrn, e que coneis a l'ora d'ara una post-revolucion demografica. Es tanben un dels païs del mond mai amenaçats per una diminucion de sa populacion. L'esperança de vida i es fòrça nauta (83,7 ans en 2013) e l'envielhiment plan accentuat.Etnicament es un país omogenèu amb de minoritats pauc importantas demograficament. Reçaup relativament pauc d'estrangièrs per un país desvolopat (1,8% en 2014).Sa populacion es estimada a 126 490 000 en 2018[1] après lo maximum de 128 057 352 del recensament de 2010.
Composicion etnica, lingüistica e religiosa
Composision etnica
Lo Japon foguèt longtemps un païs omogenèu al ponch de vista etnica. L'etnia dominanta, la japonesa, deviá comptar amb una sola minoritat ( los Ainos) qu'èran concentrats dins lo nòrd del païs e qu'èran pauc nombroses.
Los forestièrs an sempre constituit de minoritats pauc importantas. La situacion a cambiat recentament e lo Japon compta ara amb una communautat forestièra significativa.
I a tanben d'autres divisions socialas importantas dins la societat japonesa. Una d'elas donèt naissença a un grop los ''Buraku'', reconeguts tanben coma minoritat en mai dels Ainós e dels Okinawans.
Los Ainos
Lor nombre es ben reduch. 25 000 e qualques centenats tanben en Russia. I a de segur un nombre mai grands de japoneses qu'an un rèire ainó. Lor origina es encara discutida. Lor lenga es gaireben mòrta. I aviá 15 personas qu'utilizavan la lenga dins la vida vidanta dins las 1980s. Bensai un centenat pòt entendre o parlar mai o mens l'ainó dins lo nòrd de Japon mas aquò es controversiat. Segon l'UNESCO en 2006, i aviá 304 locutors e 23 782 Ainós a Japon en 2006. Lor lenga es pasmens ensenhada a l'escòla per ensajar de la revitalizar. Es una lenga amenaçada.
Los Ryukyuans
Aquela etnia se tròba dins la prefectura de Okinawa. Apertenon a la familha japonesa, lors lengas essent inclusas dins la familha de las lengas japonicas. La provincia comptava 1 391 743 estajants lo primièr d'agost de 2010. Cal pasmens considerar que una partida importanta son pas de Ryukyuans mas son venguts d'autras provincias de Japon. Los dialèctes (amami, okinawan, miyako, yaeyamà, yonaguni) son en grèu dangièr d'escantiment segon lo site l'aménagement linguistique du monde, Universitat de Laval, Canadà. Segon aquest site, cada dialècte ( o lenga segon la classificacion causida), compta mens de 100 locutors[2]. Lo site ethnologue es mai opimista e porgís una estimacion de 980 000[3] per lo sol okinawan en 2015.
Los Oroks
I aviá 20 Oroks a Japon en 1989. Es un pòble tongoz. Mai de 300 Oroks vivián tanben en Russia en 2010 (Oblast de Sakhalin).
Communautats immigradas
Japon es un país que, istoricament, reçaupèt pauc d'estrangièrs. Pasmens, entre 1990 e 2005, lo nombre d'estrangièrs doblèt abans de s'estabilizar dempuèi 2005. La catastròfa de Fukushima marquèt la fin de l'augmentacion numerica dels estrangièrs e, pel primièr còp dempuèi 1990, una baissa. Lo nombre d'estrangièrs foguèt retrobat en 2015 e dempuèi aquela data, l'immigracion a conegut un creis fòrça important (+31% entre 2015 e 2019). La preséncia d'estrangièrs donèt naissença a de mestisses nomejats "hafu".
| An | 2019 | 2015 | 2014 | 2012 | 2010 | 2005 | 2000 | 1990 |
|---|---|---|---|---|---|---|---|---|
| Nombre de residents estrangièrs | 2 933 137 | 2 232 189 | 2 121 831 | 2 078 508 | 2 134 151 | 2 011 555 | 1 686 444 | 984 455 |
Evolucion del nombre d'estrangièrs entre 1990 e 2014.
Los Coreans
Los Coreans son venguts a partir de las annadas 1920, per trabalhar a Japon. Lor nombre bomèt fins a ajónher gaireben 2 000 000 en 1945. Se la majoritat foguèt repatriada, una communautat demorèt que aguèt de s'acarar amb de dificultats de las bèlas per s'integrar a una societat istoricament pauc acostumada a recebre de forestièrs. En 2005, mai de 284 840 avián la ciutadanetat japonesa, als quales cal ajustar 598 687 residents. Al total, i aviá aperaquí 885 000 Coreans (0,7% de la populacion totala) en 2005. Aquel nombre es estable e se pòt estimar que son pas mai de 900 000 en 2012.
Los Chineses
Pauc nombroses 20 ans fa ( 150 339 en 1990), èran 680 518 en 2009 (China, H.-K., Macau, Taiwan). Los etnics chineses son un pauc mai nombroses ( d'unes que i a venon de Singapor per example). Es una communautat que lo nombre créis rapidament, tot ben que siá una immigracion pauc establa e provisòria. Representavan en 2009, 0,54% de la populacion totala.
Los Filipins
Aquela communautat s'es desvolopat dempuèi las annadas 1990. Comptava 211 716 residents en 2009 (1990: 49 092).
Los Brasilians
Aqueles Brasilians son mai que mai de Brasilians qu'an un rèire japonés e que venguèron atraches per la prosperitat economica o lo desir de retrobar sos raices. De 56 429 en 1990, lor nombre passèt a 316 967 en 2007, e 267 456 en 2009, signe qu'aquela ondada es a s'agotar. Sabon en general e lo portugués e lo japonés.
Autres grops
I a tanben 447 936 residents registrats en 2009 mas cap d'autra communautat trespassat los 100 000 membres. Se tracha mai que mai d'Asiatics, de descendents de Japoneses del Peró o dels E.-U., d'Americans e de qualques Europèus. Aquela communautats dònan una cara novèla al país que compta amb una communautat anglofòna de mai de 90 000 membres. I a tanben 60 000 ispanofòns (mai que mai Peruvians) e 10 000 francofòns.Coma l'occitan es ensenhat, qualques personas pòdon parlar la lenga blosa. Naoko Sano a publicat un diccionari occitan-japonés.
Religions
Japon es un païs tradicionalament shintoista e bodista. Lo govèrn[4] estimava en 2009 que i aviá:
- 106 498 000 shintoïstas (83,46%)
- 76 015 000 bodistas (59,57%)
- 2 122 000 crestians (1,66%)
- 9 010 000 autres (en majoritat de movements contemporanèus) (7,06%)
Las estadisticas mòstran que lo percentatge dels cresents despassa 100%.
Los Asiatics, especialament d’Asia orientala, an pas la meteissa concepcion de l'apertenéncia exclusiva a una religion. Aital, lo bodisme mahayana es sovent associat amb d’ancianas religions tradicionalas anteriora a sa venguda. En general, los bodistas son tanben shintoïstas.
Al contrari, los crestians e los membres de las autras religions abraamicas accèptan pas sovent l’apartenéncia multipla. En general, los membres d’aquelas religions se declaran pas dins los shintoïstas.
Lengas
Lo japonés es la lenga mairala ( o una de las lengas mairalas) de mai de 98% de la populacion e la lenga segonda coneguda per gaireben totòm demest las minoritats.
Las autras lengas indigènas son:
1. Las lengas ryukuyanas parladas dins la província d'Okinawa ( 1 100 000 locutors siá 0,9% de la populacion, chifra discutida).
2. L' aino, un desenat de locutors.
3. L'orok, se sap pas se i a encara de locutors natius en 2016
4. Lo nikhv, se sap pas se i a encara de locutors natius en 2016
Las lengas dels estrangièrs son mai que mai: lo chinés (0,6%), lo corean (0,4%), lo tagalòg (0,1%), lo portugués (0,1%), lo vietnamian ( mens de 0,1%), l'anglés (mens de 0,1%).
Las lengas estrangièiras mai estudiadas son l'anglés, lo francés, l'alemand lo portugués, l'espanhòl, lo corean e lo chinés. L'occitan es tanben ensenhat dins una universitat.
Demografia Istorica
La populacion japonesa representava 1,2% de la populacion mondiala en l'an 0 de nòstra era après decuplar a la seguida de la sedentarizacion de las populacions. En 1500, gràcias al desvolopament de la risicultura representava 3,1% de la populacion mondiala ( gaireben l'equivalent de la populacion francesa d'alavetz). Mantenguèt aquesta proporcion fins a las annadas 1960, que la casuda de la fertilitat menèt a una reduccion importanta del creis e, dempuèi 2010, a una descreissença.
Evolucion istorica de la populacion japonesa
| Annada | Populacion en milieirats |
|---|---|
| - 4000 | 200/300 |
| 0 | 3 000 |
| 1000 | 7 500 |
| 1500 | 15 400 |
| 1600 | 18 500 |
| 1700 | 25 000 |
| 1800 | 26 000 |
| 1850 | 27 000 |
| 1870 | 32 500 |
| 1910 | 49 600 |
| 1940 | 71 900 |
| 1960 | 93 400 |
| 1980 | 117 100 |
| 2000 | 126 900 |
| 2010 | 128 100 |
| 2015 | 127 110 |
| 2020 | 125 700 |
Las previsions de populacion son plan variables mas dònan en general 100 000 000 d'estatjants per 2050 e bensai 80 000 000 per 2100.
Sègle XX
| Populacion mejana (x 1000) | Naissenças viventas | Decèsses | Creis natural | Taus de natalitat (per 1000) | Taus de mortalitat (per 1000) | Creis natural(per 1000) | Fertilitat totala[5] | Taus de mortalitat infantila (per 1000 naissenças) | Esperança de vida[6] (males) | Esperança de vida(femnas) | |
|---|---|---|---|---|---|---|---|---|---|---|---|
| 1899 | 1386 981 | 32.0 | 21.5 | 10.5 | 153.8 | ||||||
| 1900 | 43 847 | 1470 000 | 916 000 | 554 000 | 31.7 | 20.4 | 12.6 | 155.0 | |||
| 1901 | 44 359 | 1557 000 | 931 000 | 626 000 | 33.1 | 20.4 | 14.1 | 149.9 | |||
| 1902 | 44 964 | 1570 000 | 965 000 | 605 000 | 32.9 | 20.9 | 13.5 | 154.0 | |||
| 1903 | 45 546 | 1552 000 | 936 000 | 616 000 | 32.0 | 20.0 | 13.5 | 152.4 | |||
| 1904 | 46 135 | 1500 000 | 1005 000 | 495 000 | 30.6 | 21.2 | 10.7 | 151.9 | |||
| 1905 | 46 620 | 1517 000 | 1047 000 | 470 000 | 30.6 | 21.9 | 10.1 | 151.7 | |||
| 1906 | 47 038 | 1461 000 | 962 000 | 499 000 | 29.0 | 20.0 | 10.6 | 153.6 | |||
| 1907 | 47 416 | 1685 000 | 1025 000 | 660 000 | 33.2 | 21.0 | 13.9 | 151.3 | |||
| 1908 | 47 965 | 1734 000 | 1037 000 | 697 000 | 33.7 | 20.9 | 14.5 | 158.0 | |||
| 1909 | 48 554 | 1766 000 | 1098 000 | 668 000 | 33.9 | 21.9 | 13.8 | 167.3 | |||
| 1910 | 49 184 | 1782 000 | 1071 000 | 711 000 | 33.9 | 21.1 | 14.5 | 161.2 | |||
| 1911 | 49 852 | 1821 000 | 1050 000 | 771 000 | 34.1 | 20.4 | 15.5 | 158.4 | |||
| 1912 | 50 577 | 1817 000 | 1044 000 | 773 000 | 33.4 | 20.0 | 15.3 | 154.2 | |||
| 1913 | 51 305 | 1835 000 | 1035 000 | 800 000 | 33.3 | 19.5 | 15.6 | 152.1 | |||
| 1914 | 52 039 | 1883 000 | 1109 000 | 774 000 | 33.8 | 20.6 | 14.9 | 158.5 | |||
| 1915 | 52 752 | 1872 000 | 1110 000 | 762 000 | 33.2 | 20.2 | 14.4 | 160.4 | |||
| 1916 | 53 496 | 1873 000 | 1196 000 | 677 000 | 32.9 | 21.6 | 12.7 | 170.3 | |||
| 1917 | 54 134 | 1883 000 | 1208 000 | 675 000 | 32.7 | 21.6 | 12.5 | 173.2 | |||
| 1918 | 54 739 | 1856 000 | 1503 000 | 353 000 | 32.2 | 26.7 | 6.4 | 188.6 | |||
| 1919 | 55 033 | 1850 000 | 1290 000 | 560 000 | 31.6 | 22.8 | 10.2 | 170.5 | |||
| 1920 | 55 963 | 2105 000 | 1431 000 | 674 000 | 36.2 | 25.4 | 12.0 | 165.7 | |||
| 1921 | 56 666 | 1991 000 | 1289 000 | 702 000 | 35.1 | 22.7 | 12.4 | 168.3 | |||
| 1922 | 57 390 | 1969 000 | 1287 000 | 682 000 | 34.3 | 22.4 | 11.9 | 166.4 | |||
| 1923 | 58 119 | 2043 000 | 1332 000 | 711 000 | 35.2 | 22.9 | 12.2 | 163.4 | |||
| 1924 | 58 876 | 1999 000 | 1255 000 | 744 000 | 33.9 | 21.3 | 12.6 | 156.2 | |||
| 1925 | 59 737 | 2080 000 | 1211 000 | 869 000 | 34.9 | 20.3 | 14.5 | 5.10 | 142.4 | ||
| 1926 | 60 741 | 2104 000 | 1161 000 | 943 000 | 34.6 | 19.1 | 15.5 | 137.5 | |||
| 1927 | 61 659 | 2061 000 | 1214 000 | 847 000 | 33.4 | 19.7 | 13.7 | 141.6 | |||
| 1928 | 62 595 | 2136 000 | 1237 000 | 899 000 | 34.1 | 19.8 | 14.4 | 136.7 | |||
| 1929 | 63 461 | 2077 000 | 1261 000 | 816 000 | 32.7 | 19.9 | 12.9 | 142.1 | |||
| 1930 | 64 450 | 2085 000 | 1171 000 | 914 000 | 32.4 | 18.2 | 14.2 | 4.70 | 124.1 | ||
| 1931 | 65 457 | 2103 000 | 1241 000 | 862 000 | 32.1 | 19.0 | 13.2 | 131.5 | |||
| 1932 | 65 800 | 2165 000 | 1165 000 | 1000 000 | 32.9 | 17.7 | 15.2 | 117.5 | |||
| 1933 | 66 790 | 2104 000 | 1182 000 | 922 000 | 31.5 | 17.7 | 13.8 | 121.3 | |||
| 1934 | 67 680 | 2028 289 | 1225 402 | 802 887 | 29.9 | 18.1 | 11.9 | 124.8 | |||
| 1935 | 68 662 | 2174 291 | 1152 371 | 1021 920 | 31.6 | 16.8 | 14.9 | 106.7 | |||
| 1936 | 69 590 | 2086 355 | 1220 023 | 866 332 | 30.0 | 17.5 | 12.4 | 116.7 | 46.92 | 49.63 | |
| 1937 | 70 360 | 2164 949 | 1198 400 | 966 549 | 30.9 | 17.1 | 13.7 | 105.8 | |||
| 1938 | 70 590 | 1911 966 | 1250 093 | 661 873 | 27.2 | 17.7 | 9.4 | 114.4 | |||
| 1939 | 70 930 | 1885 957 | 1258 514 | 627 443 | 26.6 | 17.8 | 8.8 | 106.2 | |||
| 1940 | 71 540 | 2100 164 | 1176 517 | 923 647 | 29.4 | 16.4 | 12.9 | 4.11 | 90.0 | ||
| 1941 | 72 750 | 2260 270 | 1140 428 | 1119 842 | 31.1 | 15.7 | 15.4 | 84.1 | |||
| 1942 | 73 450 | 2216 271 | 1157 845 | 1058 426 | 30.3 | 15.8 | 14.4 | 85.5 | |||
| 1943 | 73 980 | 2235 431 | 1204 802 | 1030 629 | 30.3 | 16.3 | 13.9 | 86.6 | |||
| 1944 | 73 865 | 2149 843 | 1279 639 | 870 204 | 29.2 | 17.4 | 11.8 | ||||
| 1945 | 72 410 | 1685 583 | 2113 798 | -428 215 | 23.2 | 29.2 | -5.9 | ||||
| 1946 | 75 300 | 1905 809 | 1326 592 | 579 217 | 25.3 | 17.6 | 7.7 | ||||
| 1947 | 78 025 | 2678 792 | 1138 238 | 1540 554 | 34.3 | 14.6 | 19.7 | 4.54 | 76.7 | 50.06 | 53.96 |
| 1948 | 79 500 | 2681 624 | 950 610 | 1731 014 | 33.7 | 12.0 | 21.8 | 4.40 | 61.7 | 55.6 | 59.4 |
| 1949 | 81 300 | 2696 638 | 945 444 | 1751 194 | 33.2 | 11.6 | 21.5 | 4.32 | 62.5 | 56.2 | 59.8 |
| 1950 | 82 900 | 2337 507 | 904 876 | 1432 631 | 28.2 | 10.9 | 17.3 | 3.65 | 60.1 | 58.0 | 61.5 |
| 1951 | 84 235 | 2137 689 | 838 998 | 1298 691 | 25.4 | 10.0 | 15.4 | 3.26 | 57.5 | 59.57 | 62.97 |
| 1952 | 85 503 | 2005 162 | 765 068 | 1240 094 | 23.5 | 8.9 | 14.5 | 2.98 | 49.4 | 61.9 | 65.5 |
| 1953 | 86 695 | 1868 040 | 772 547 | 1095 493 | 21.5 | 8.9 | 12.6 | 2.69 | 48.9 | 61.9 | 65.7 |
| 1954 | 87 976 | 1769 580 | 721 491 | 1048 089 | 20.1 | 8.2 | 11.9 | 2.48 | 44.6 | 63.41 | 67.69 |
| 1955 | 89 020 | 1730 692 | 693 523 | 1037 169 | 19.4 | 7.8 | 11.7 | 2.37 | 39.8 | 63.60 | 67.75 |
| 1956 | 89 953 | 1665 278 | 724 460 | 940 818 | 18.5 | 8.1 | 10.5 | 2.22 | 40.6 | 63.59 | 67.54 |
| 1957 | 90 734 | 1566 713 | 752 445 | 814 268 | 17.3 | 8.3 | 9.0 | 2.04 | 40.0 | 63.24 | 67.60 |
| 1958 | 91 546 | 1653 469 | 684 189 | 969 280 | 18.1 | 7.5 | 10.6 | 2.11 | 34.5 | 64.98 | 69.61 |
| 1959 | 92 434 | 1626 088 | 689 959 | 936 129 | 17.6 | 7.5 | 10.1 | 2.04 | 33.7 | 65.21 | 69.88 |
| 1960 | 94 094 | 1627 939 | 711 230 | 916 709 | 17.3 | 7.6 | 9.7 | 2.00 | 30.7 | 65.32 | 70.19 |
| 1961 | 94 943 | 1611 772 | 700 459 | 911 313 | 17.0 | 7.4 | 9.6 | 1.96 | 28.6 | 66.03 | 70.79 |
| 1962 | 95 832 | 1639 631 | 715 163 | 924 468 | 17.1 | 7.5 | 9.6 | 1.98 | 26.4 | 66.23 | 71.16 |
| 1963 | 96 812 | 1681 242 | 675 721 | 1005 521 | 17.4 | 7.0 | 10.4 | 2.00 | 23.2 | 67.21 | 72.34 |
| 1964 | 97 826 | 1737 277 | 678 104 | 1059 173 | 17.8 | 6.9 | 10.8 | 2.05 | 20.4 | 67.67 | 72.87 |
| 1965 | 98 883 | 1844 452 | 705 363 | 1139 089 | 18.7 | 7.1 | 11.5 | 2.14 | 18.5 | 67.74 | 72.92 |
| 1966 | 99 790 | 1378 968 | 675 351 | 703 617 | 13.8 | 6.8 | 7.1 | 1.58 | 19.3 | 68.35 | 73.61 |
| 1967 | 100 725 | 1956 725 | 679 797 | 1276 928 | 19.4 | 6.7 | 12.7 | 2.23 | 14.9 | 68.91 | 74.15 |
| 1968 | 102 061 | 1893 219 | 691 647 | 1201 572 | 18.5 | 6.8 | 11.8 | 2.13 | 15.3 | 69.05 | 74.30 |
| 1969 | 103 172 | 1910 927 | 698 669 | 1212 258 | 18.5 | 6.8 | 11.7 | 2.13 | 14.2 | 69.18 | 74.67 |
| 1970 | 104 345 | 1955 277 | 718 135 | 1237 142 | 18.7 | 6.9 | 11.9 | 2.13 | 13.1 | 69.31 | 74.66 |
| 1971 | 105 697 | 2022 204 | 689 542 | 1332 662 | 19.1 | 6.5 | 12.6 | 2.16 | 12.4 | 70.17 | 75.58 |
| 1972 | 107 188 | 2059 533 | 688 788 | 1370 745 | 19.2 | 6.4 | 12.8 | 2.14 | 11.7 | 70.50 | 75.94 |
| 1973 | 108 709 | 2091 983 | 709 416 | 1382 567 | 19.2 | 6.5 | 12.7 | 2.14 | 11.3 | 70.70 | 76.02 |
| 1974 | 110 162 | 2029 989 | 710 510 | 1319 479 | 18.4 | 6.4 | 12.0 | 2.05 | 10.8 | 71.16 | 76.31 |
| 1975 | 111 573 | 1901 440 | 702 275 | 1199 165 | 17.0 | 6.3 | 10.7 | 1.91 | 10.0 | 71.73 | 76.89 |
| 1976 | 112 775 | 1832 617 | 703 270 | 1129 347 | 16.3 | 6.2 | 10.0 | 1.85 | 9.3 | 72.15 | 77.35 |
| 1977 | 113 872 | 1755 100 | 690 074 | 1065 026 | 15.4 | 6.1 | 9.4 | 1.80 | 8.9 | 72.69 | 77.95 |
| 1978 | 114 913 | 1708 643 | 695 821 | 1012 822 | 14.9 | 6.1 | 8.8 | 1.79 | 8.4 | 72.97 | 78.33 |
| 1979 | 115 890 | 1642 580 | 689 664 | 952 916 | 14.2 | 6.0 | 8.2 | 1.77 | 7.9 | 73.46 | 78.89 |
| 1980 | 116 807 | 1576 889 | 722 801 | 854 088 | 13.5 | 6.2 | 7.3 | 1.75 | 7.5 | 73.35 | 78.76 |
| 1981 | 117 661 | 1529 455 | 720 262 | 809 193 | 13.0 | 6.1 | 6.9 | 1.74 | 7.1 | 73.79 | 79.13 |
| 1982 | 118 480 | 1515 392 | 711 883 | 803 509 | 12.8 | 6.0 | 6.8 | 1.77 | 6.6 | 74.22 | 79.66 |
| 1983 | 119 307 | 1508 687 | 740 038 | 768 649 | 12.6 | 6.2 | 6.4 | 1.80 | 6.2 | 74.20 | 79.78 |
| 1984 | 120 083 | 1489 786 | 740 247 | 749 539 | 12.4 | 6.2 | 6.2 | 1.81 | 6.0 | 74.54 | 80.18 |
| 1985 | 120 837 | 1431 577 | 752 283 | 679 294 | 11.8 | 6.2 | 5.6 | 1.76 | 5.5 | 74.78 | 80.48 |
| 1986 | 121 482 | 1382 976 | 750 620 | 632 356 | 11.4 | 6.2 | 5.2 | 1.72 | 5.2 | 75.23 | 80.93 |
| 1987 | 122 069 | 1346 658 | 751 172 | 595 486 | 11.0 | 6.2 | 4.9 | 1.69 | 5.0 | 75.61 | 81.39 |
| 1988 | 122 578 | 1314 006 | 793 014 | 520 992 | 10.7 | 6.5 | 4.3 | 1.66 | 4.8 | 75.54 | 81.30 |
| 1989 | 123 069 | 1246 802 | 788 594 | 458 208 | 10.1 | 6.4 | 3.7 | 1.57 | 4.6 | 75.91 | 81.77 |
| 1990 | 123 478 | 1221 585 | 820 305 | 401 280 | 9.9 | 6.6 | 3.2 | 1.54 | 4.6 | 75.92 | 81.90 |
| 1991 | 123 964 | 1223 245 | 829 797 | 393 448 | 9.9 | 6.7 | 3.2 | 1.53 | 4.4 | 76.11 | 82.11 |
| 1992 | 124 425 | 1208 989 | 856 643 | 352 346 | 9.7 | 6.9 | 2.8 | 1.50 | 4.5 | 76.09 | 82.22 |
| 1993 | 124 829 | 1188 282 | 878 532 | 309 750 | 9.5 | 7.0 | 2.5 | 1.46 | 4.3 | 76.25 | 82.51 |
| 1994 | 125 178 | 1238 328 | 875 933 | 362 395 | 9.9 | 7.0 | 2.9 | 1.50 | 4.2 | 76.57 | 82.98 |
| 1995 | 125 472 | 1187 064 | 922 139 | 264 925 | 9.5 | 7.3 | 2.1 | 1.42 | 4.3 | 76.38 | 82.85 |
| 1996 | 125 757 | 1206 555 | 896 211 | 310 344 | 9.6 | 7.1 | 2.4 | 1.43 | 3.8 | 77.01 | 83.59 |
| 1997 | 126 057 | 1209 000 | 921 000 | 288 000 | 9.6 | 7.3 | 2.3 | 1.39 | 3.7 | 77.19 | 83.82 |
| 1998 | 126 400 | 1215 000 | 933 000 | 282 000 | 9.6 | 7.4 | 2.2 | 1.38 | 3.6 | 77.16 | 84.01 |
| 1999 | 126 631 | 1197 000 | 985 000 | 212 000 | 9.5 | 7.8 | 1.7 | 1.34 | 3.4 | 77.10 | 83.99 |
| 2000 | 126 843 | 1194 000 | 968 000 | 226 000 | 9.4 | 7.6 | 1.8 | 1.36 | 3.2 | 77.72 | 84.60 |
| 2001 | 127 130 | 1185 000 | 966 000 | 219 000 | 9.3 | 7.6 | 1.7 | 1.33 | 3.1 | 78.07 | 84.93 |
| 2002 | 127 386 | 1176 000 | 980 000 | 196 000 | 9.2 | 7.7 | 1.5 | 1.32 | 3.0 | 78.32 | 85.23 |
| 2003 | 127 670 | 1139 000 | 1023 000 | 116 000 | 8.9 | 8.0 | 0.9 | 1.29 | 3.0 | 78.36 | 85.33 |
| 2004 | 127 680 | 1126 000 | 1024 000 | 102 000 | 8.8 | 8.0 | 0.8 | 1.29 | 2.8 | 78.64 | 85.59 |
| 2005 | 127 760 | 1087 000 | 1078 000 | 9 000 | 8.5 | 8.4 | 0.1 | 1.26 | 2.8 | 78.56 | 85.52 |
| 2006 | 127 710 | 1092 674 | 1084 450 | 8 224 | 8.6 | 8.5 | 0.1 | 1.32 | 2.6 | 79.00 | 85.81 |
| 2007 | 127 750 | 1101 000 | 1103 000 | -2 000 | 8.6 | 8.6 | -0.0 | 1.34 | 2.6 | 79.19 | 85.99 |
| 2008 | 127 680 | 1108 000 | 1142 000 | -34 000 | 8.7 | 8.9 | -0.3 | 1.37 | 2.6 | 79.29 | 86.05 |
| 2009 | 127 550 | 1087 000 | 1146 000 | -59 000 | 8.5 | 9.0 | -0.5 | 1.37 | 2.4 | 79.59 | 86.44 |
| 2010 | 127 430 | 1083 000 | 1189 000 | -105 000 | 8.5 | 9.5 | -1.0 | 1.39[7] | 2.3 | 79.64 | 86.39 |
| 2011 | 127 770 | 1050 806 | 1253 066 | -202 260 | 8.3 | 9.8 | -1.5 | 1.39 | 2.3 | 79.44 | 85.90 |
| 2012 | 127 400 | 1037 101 | 1256 254 | -219 153 | 8.2 | 9.9 | -1.7 | 1.41 | 2.2 | 79.94 | 86.41 |
| 2013 | 127 150 | 1030 000 | 1268 000 | -244 000 | 8.1 | 10.0 | -1.9 | 1.43 | 2.1 | 80.21 | 86.61 |
| 2014 | 127 083 | 1004 000 | 1269 000 | -265 000 | 7.9 | 10.0 | -2.1 | 1.42 | 80.5 | 86.9 | |
| 2015 | 126 900 | 1005 000 | 1291 000 | -286 000 | 7.9 | 10.2 | -2.3 | 1.46 | 80.7 | 87 | |
| 2016 | 126 585 | 976 978 | 1 307 748 | –330 770 | 7.8 | 10.5 | -2.6 | 1.44 | 80.98 | 87.14 | |
| 2017 | 126 490 | 946 060 | 1 340 433 | –394 373 | 7.6 | 10.8 | -3.2 | 1.43 | 81.09 | 87.26 | |
| 2018 | 126 443 | 918 400 | 1 362 470 | -444,070 | 7.4 | 11.0 | -3.6 | 1.42 | |||
| 2019 | 126 167 | 865 239 | 1 381 093 | -515,854 | 7.0 | 11.2 | -4.2 | 1.36 | |||
| 2020 | 126 261 | 840 832 | 1 372 648 | -531 816 | 6.8 | 11.0 | -4.2 | 1.34 | 81.64 | 87.74 | |
| 2021 | 125 682 | 811 604 | 1 439 809 | -628 205 | 6.5 | 11.5 | -5.0 | 1.30 | 1.6 | 81.47 | 87.57 |
Situacion actuala e recenta
Tendencias recentas
La natalitat japonesa es plan flaca e Japon fa partida de las nacions amb los tausses de natalitat mai baisses del mond. La tendencia es a la baissa e, se la populacion coneis los meteisses fenomènes coma d'autres païses desvolopats, sas perspectivas son ennegresidas per una immigracion reducha que pòt pas porgir de naissenças novèlas en quantitat ( al contrari de païses coma França, E.-U. o R.-U. per exemple que los immigrants participan a mai de 25% a la natalitat).
| Annada | Taus de natalitat | Nombre de naissenças | Feconditat |
|---|---|---|---|
| 1970 | 18,8 | 1 934 000 | 2,13 |
| 1990 | 10,0 | 1 222 000 | 1,54 |
| 2000 | 9,5 | 1 191 000 | 1,36 |
| 2010 | 8,5 | 1 071 000 | 1,39 |
| 2020 | 7,0 | 840 000 | 1,34 |
Las previsions mejanas donan las chifras seguentas en milions sens migracions :
2030 : 119
2050 : 98
2100 : 55 a 75
Recensament de 2010
Segon lo recensament de 2010, i aviá 128 057 232 abitants.
Fukushima e sas consequencias
Lo tsunami e l'accident nuclear de Fukushima an causat 15 844 decesses (als quales cal ajustar 3 451 desapareguts). Çaquelà, las consequéncias demograficas mai importantes foguèron ligadas a l'emigracion d'una partida dels estangièrs, inquiets de la situacion a Fukushima. Segon l'agencia japonesa d'estatisticas[8], la populacion passèt de 127 930 000 en mars a 127 710 000 en abril (siá 220 000 personas de mens en un mes). Dempuèi aquela data la populacion s'es estabilizada ( estimacion oficiala de 127 730 000 per genièr 2012) amb lo retorn o l'arribada d'estrangièrs.
Per març 2013, l'estimacion oficiala es de 126 393 679. Es basada subre l'estimacion d'un salde migratòri nulle.
L'accident de Fukushima marca istoricament la debuta de la baissa de la populacion japonesa après un maximum en 2010.