Piscina
Una piscina es una construccion artificiala destinada a nadar o i practicar d'esports aquatics. Las dimensions d'aquela pòden èsser fòrça variablas:[1] la mai gran es la talha olimpica, de 50 metres. Pòt èsser bastida amb diferents elements: metals, plastics o beton.Lo mot piscina ven del latin[2] e dén primièr s'utilizava per designar de poses per de peissons d'aiga doça o salada.[3]
Ara las piscinas subiguèron un cambiament tecnologic significatiu, sobretot dins la purificacion. S'utilizan de derivats de clòr per que demoran netas, e se contraròtla lo pH e a vegada la temperatura.
Istòria
Existís una longa tradicion de construccions artificialas desitinada al banh, que se destacan los nombrosos sites de tèrmes romans, com aqueles trobats dins la vila anglesa de Bath, que donèt lo nom.
Construccion
Alara, existisson diverses modalitats, coma las fixas, las portablas e las desmontablas. E son de diferents materials, coma acièr inoxidable, poliester, de beton armat, recobèrtes de mosaic, etc.
Dimensions de la piscinas esportivas
Dins lo domèni esportiu podèm diferenciar tres grans tipes de piscinas:
- Piscina de 50 metres, o piscina olimpica, qu'es la talha de la piscina oficiala dels Jòcs Olimpics.
- Piscina de 25 metres, o bacin pichon.
- Piscina de salts, de dimensions mai pichona.
Los usatges esportius son fòrça variats, s'utilizan dins lo camp de la natacion, lo waterpolo, la natacion sincronizada o los salts acrobatics.
Elements per l'entreten
Per mantenir neta e en condicions normalas una piscina, es necessitan los paràmetres seguents:[4][5]
Paramètres normalas | ||
---|---|---|
Percentatge de clòr liure | 1,5 - 2,0 mg/L (1,5 - 2,0 ppm) | Se pòt apondre directament, o se realizar amb idrolisi de sals. |
Salinitat | 4 g/L (4 kg/m³) | De temps en temps, es necessari d'apondre de sal. |
pH | 7,2 - 7,6 (ideal 7,2 - 7,4) | Se pòt reduire amb l'addicion d'acid, e s'aumentar amb l'addicion d'una basa (pH +), coma lo bicarbonat de sòdi, amb la formula NaHCO3. |
Alcalinitat totala | 8 - 15 °F (80 - 150 ppm) | Una alcalinitat elevada se pòt menar a un nivèl de pH instable. |
Dureta | < 40 °F (<400 ppm) | Per reduire la dureta de l'aiga, se realiza un procediment de descarbonatizacion, amb l'addicion de carbonat de sòdi. |