Senta Gema e Martalhac

Perimètre deu territòri

Comunas confrontantas de Senta Gema e Martalhac

Lo Gresèth e Cavanhan	Senta Marta	Lo Mas d'Agenés
		Calonjas
La Bastida Castèthamorós		Lairitz e Montcassin

• Las fòrmas ancianas son : Sanctae Gemme (ecclesia ~), en latin, en 1197, Martalhac (par. de ~), en occitan, en 1259, Sancta Gemma, en latin, en 1274, Sancte Gemme (parrochia ~), en latin, en 1305, Sancta Gemma, en latin, en 1307-1317, Sancte Gemme (parrochie ~) et Sancti Petri de Marcilhaco (alias Martilhaco), en latin, en 1314, Sancte Gemme (capella ~), capella de Martilhaco, en latin, en 1326. La prononciacion es ['seŋtə'ʒemə / marta'ʎak] ^[1].
• Senta Gema. La purmèira dificultat es la question de l'obertura de e. Per Santa Gèma (Albigés), Patrici Pojada escriu un è obèrt, per Senta Gema (Gers), un e barrat ^[3](e atau ha la mapa deu Conselh Generau deu Gers). Per Senta Gèma (Gironda), Bénédicte Boyrie-Fénié causeish un è obèrt ^[4], perqué la comuna es dens la Petita Gavacheria. Ací, lo e barrat es, au mens se supausa, lo resultat d'una observacion. Senta Gema, supausada la sòr (bessona) de Senta Quitèira e de Senta Liurada, es una martira d'Aquitània, mèi o mens legendària ^[1],[5], mès lo siti nominis plaça lo martiri de Gemma en 109 e lo de Quitèira au sègle V. ^[6],[7]
• Martalhac vendré deu nom latin d'òme *Martilius, inatestat, tirat de Martius, dab lo sufixe acu, latinizacion deu sufixe gallés -āco(n). Martalhac èra donc probablament ua anciana grana propietat antica qu'avèva per mèste Martilius. Lo -i- de la segonda sillaba s'assimilèt au -a- de la purmèira ^[1]. L'assimilacion vocalica es pas tan frequenta dens los toponimes occitans (au segond millenari) que la dissimilacion, mès com es un fenomèn ancian e que seré enqüèra mèi mauagit de justificar un ipotetic *Martalius, sembla logic que lo fenomèn aja foncionat dens aqueth sens. I a un Martilhac, un Martilly, mès tanben un Martailly. Segon Xavier Delamarre, lo tèma *mart- es celtic e un nom inatestat Martilios pòt estar a l'origina deus noms semblablas^[8].

• Senta Gema e Martalhac èran (normalament) de la ciutat deus Nitiobròges e après de la diocèsi d'Agen, çò que justifica mèi o mens de los plaçar dens l'Agenés. Dempui lo 13 d'agost 1317 e d'aquí a la Revolucion, èran de la diocèsi de Condòm creada per Joan XXII ^[9].
• Senta Gema èra ua parròpia e Martalhac son annèxa ^[1]. Dens la comuna de La Bastida Castèthamorós dempui la Revolucion, las duas se'n separèn en 1879. ^[10]

• Avant la refòrma cantonala de 2014, aplicada en 2015, la comuna èra deu canton de Boglon; es adara deu canton de las Seuvas/Ahorèsts /deus Bòscs de Gasconha.

modificar « persona »  v · d · m  Evolucion demografica Populacion comunala actuala (2013): 379, totala: 385
1856	1861	1866	1872	1876	1881	1886	1891	1896
-	-	-	-	-	543	509	511	473
1901	1906	1911	1921	1926	1931	1936	1946	1954
460	460	425	393	370	343	398	352	381
1962	1968	1975	1982	1990	1999	2006	2007	2008
342	359	292	280	308	279	299	310	325 337
2009	2010
340 351	343 352
Fonts
Base Cassini de l'EHESS - Nombre retengut a partir de 1962 : Populacion sens comptes dobles - Sit de l'INSEE

• En 2018 la populacion èra de 399 abitants e la densitat èra de 28,5 ab/km².

• roinas de la glèisa de Sent Pèir (deus ligams ? encadenat ?) de Martalhac

La vòta es lo 25 d'aost o au dimenge pus près. Es lo jorn de Sent Geniès o Sent Gény (Gines ? en occitan, qu'es lo nom d'ua anciana parròpia de La Bastida Castèthamorós ^[1]. Mistèri...

• Comunas d'Òut e Garona

• Portau de Gasconha