Zeus faber
Peis de Sant Peire
| Règne | Animalia |
|---|---|
| Embrancament | Chordata |
| Sosembr. | Vertebrata |
| Òrdre | Zeiformes |
| Superclassa | Osteichthyes |
| Infraclassa | Teleostei |
| Classa | Actinopterygii |
| Sosclassa | Neopterygii |
| Familha | Zeidae |
| Genre | Zeus |
Acanthopterygii
— autor complet —, data de precisar
Lo Zeus faber es una espècia de peisses de la familha dels Zeidae. Es tanben nomenat peis de Sant Pèire (quitament s'aquel tèrma designa tanben, mas de biais mens corrent, doas autras espècias de peisses) o encara gal de mar. Lo Zeus faber se noirís de peisses vivent en grops (sardinas, arencs pichons) e de cefalopòds[1].
Descripcion
Lo peis es de còs naut e prim. Es marcat d'une taca circulària escura suls flancs. Pòt mesurar fins a 70 cm e pesar fins a 20 kg. La primièra aleta dorsala es constituida de rais espinós alongats. De bòças espinosas son a la basa de las aletas dorsalas e analas[1].
Origina religiosa del nom
La legende dit que Sant Pèire, apostòl de Jèsus, puèi primièr evèsque de la cretientat, trapèt un jorn lo peis sus òrdre del Crist per tirar de sa boca una pèça d'aur. La marca de son poce demorèt e se perpetuèt amb las generacion. De fait, lo peis pòrta totjorn de puntàs negras suls flancs. Aquela legenda se trapa dans la Bíblia (per ex. Mat 17.27) pasmens se la mar de Galilèa siá pas l'abitat natural del sant peire.
Reparticion e abitat
Es un peis de nauta mar que viu subretot dins l'ocean Atlantic de Norvègia fins a las costats oèst d'Africa, en mar Mediterranèa e mar Negra[1]. Viu solitar o en pichons grops suls fonds sabloses del plan continental.
Alimentacion
Es un peis que caça al pòst e se noirís de pichons peisses, sépias e de crustacèus. Se desplaça puslèu lentament ondulant sas grandas aletas dorsalas e analas. En ivèrn, intra en mar del Nòrd a la recerca de noiritura.
Reproduccion
Groa mai sovent de junh fins a agost dins lo golf de Gasconha, en mar Celtica, mar d’Irlanda e Mediterranèa. La fecondacion se fa de mai a agost segon lo climat. Los uòus contenon una goteta d'òil que los fa flautar. Aprés l'espelida, las larvas vivon liura dins l'aiga[1],[2].
Metòde de caça
Se pòt veire lo Zeus faber s'aprochar de sa presa nadant lentament sul costat. Dins aquela postura, sa morfologia fa que la presa lo vei vertical mas fòrça mai pichon que n'es. Quand es pro pròche, Zeus faber se geta sus sa victima qu'atal aviá enganada.
Pèsca
Aquel peis de carn fòrça bona, es present en quantitat tròp flacas sus las còtas per lo cercar especificament. Pica l'esca carnada e los calamars. Es sovent pres dins los chaluts.
Talhas minim de captura
Malhas legalas per França
La malha pel sant pèire, es a dire la talha legala de captura pels pescaire profesionals o non es fixada en Mediterranèa[3], en Atlantic[4]. Las talhas minim legalas[5] son fixadas en França per l'arrestat del 16 de julhet de 2009 determinant la talha minimala o lo pes minim de captura e de desbarcament dels peisses e autres organismes marins e tanben per fòrça autres tèxtes de referéncias[6] de la Comunautat Europèa.
Malhas biologics
La malha biologica, es a dire la talha que 100 % dels sant pèires se sont reproduits es de 37 cm.
Cosina
.jpg)
Lo sant pèire es un dels peisses intrant dins la composicion de la bolhabaissa tradicionala de Marselha.
Notas e referéncias
Ligams extèrnes
- Modèl:FishBase espèce
- Referéncia ITIS : Zeus faber Linnaeus, 1758 (fr) ( (en))
- Modèl:DORIS
- Referéncia NCBI : Zeus faber (en)
- Referéncia Animal Diversity Web : Zeus faber (en)