Аргентинæ

Кæд паддзахадон æвзаг испайнаг у^[1] æмæ алчидæр зоны, Аргентинæйы цæрджытæй се ’рдæг сты италиаг эмигрантты байзæддæгтæ, уыдонæй иуæй-иутæ дзурынц, сæ фыдæлттæ цы æвзæгтыл дзырдтой, уыдоныл. Кæс: Италийы æвзæгтæ.

Испайнаг æвзаг паддзахадон кæмæн у, уыцы бæстæты ’хсæн Аргентинæ у сæ тæккæ стырдæр, йæ фæзуатмæ гæсгæ.

Аргентинæйы цæрынц 42,6 милуан адæймагæй фылдæр æмæ рæзы^[2].

Аргентинæ у континенты размæдзыддæр бæстæтæй иу, йæ цæрджыты райрæзты индексмæ гæсгæ у Хуссар Америкæйы дыккаг хуыздæр. Фæлæ уæддæр экономикон кризисты аххосæй аргентинæйæгтæ, уæлдæйдæр сæ бонджындæртæ, сæ бæстæйæ ацæуынц — æмæ ныртæккæ сæ милуанмæ ’ввæхс цæрынц АИШ, Испани, Чили æмæ æндæр бæстæты. Уыцы иу рæстæг бæстæмæ æрбацыдысты цæрынмæ адæм Боливи, Парагвай, Уругвай æмæ æндæр бæстæтæй, кæддæры Советон Цæдисы фехæлды фæстæ дæр мингай раздæры советон граждантæ бафтыдтой Аргентинæмæ. Фæсарæйнаг цæрджыты ’хсæн 77% сты сыхагон бæстæтæй æмæ Перуйæ, æдæппæт фæсарæйнæгты нымæц у 1,8 милуаны^[3].

Адæмыхæттытæ

Цæрджытæй сæ фылдæр хай сты италиаг эмигрантты байзаддæгтæ (50%), испайнæгтæ (30%), баскæгтæ (10%) æмæ æндæртæ.

Сæйраг уац: Аргентинæйы административон дих

Аргентинæйы ис 23 провинцийы æмæ автономон сæйраг сахар:

1. Федералон сæйраг сахар Буэнос-Айрес
2. Буэнос-Айрес (провинци)
3. Катамаркæ
4. Чако
5. Чубут
6. Кордовæ
7. Корриентес
8. Энтре-Риос
9. Формосæ
10. Хухуй
11. Ла-Пампæ
12. Ла-Риохæ
13. Мендосæ
14. Мисьонес
15. Неукен
16. Рио-Негро
17. Сальтæ
18. Сан-Хуан
19. Сан-Луис
20. Сантæ-Крус
21. Сантæ-Фе
22. Сантьяго-дель-Эстеро
23. Арты Зæхх, Антарктидæ æмæ Хуссар Атлантикæйы сакъадæхтæ
24. Тукуман