Маслоу, Абрахам Харольд

А́брахам Масло́у^[7] (англ. Abraham Maslow [ˈmæzloʊ]; райгуырдис 1908-æм азы 1 апрелы(19080401), Нью-Йорчы — амардис 1970-æм азы 8 июны, Менло-Парчы, Калифорни) у зындгонд америкаг психолог, гуманистон психологийы бындурæвæрæг. Хъуыстгонд сси «Маслоуы пирамидæ» — адæймаджы цы хъæуы, уый æвдисæг иерархион диаграммæ.

Абрахам Харольд Маслоу
англ. Abraham Maslow
Райгуырды датæ	1908-æм азы 1 апрелы(1908-04-01)[1][2][3][…]
Райгуырæны бынат	Нью-Йорк, Америкæйы Иугонд Штаттæ[4]
Мæлæты датæ	1970-æм азы 8 июны(1970-06-08)[1][2][3][…] (62 азы)
Мæлæты бынат	Менло-Парк, Сан-Матео[d], Калифорни, Америкæйы Иугонд Штаттæ[5]
Бæстæ	Америкæйы Иугонд Штаттæ
Зонады къабаз	психологи æмæ гуманистон психологи[d]
Куысты бынат	Брандейсы университет[d][6] Бруклины колледж[d][6]
Альма-матер	Висконсины университет Мадисоны[d][6] Корнеллы университет[d] Нью-Йорчы сахары колледж[d] Boys High School[d]
Ахуырадон къæпхæн	аивæдты бакалавр[d][6] (2059), аивæдты магистр[d][6] (1931) æмæ философийы доктор[d][6] (1934)
Зонадон разамонæг	Гарри Фредерик Харлоу[d]
Ахуыргæнинæгтæ	Steve Andreas[d]
Хорзæхтæ æмæ премитæ	Афæдзы гуманист[d] (1967)
Викикъæбицы медиа

Маслоу уыдис авд сывæллæтты хистæр, райгуырдис Бруклины, дзуттаг бинонтæм. Йæ ныййарджытæ, Самуил Маслов æмæ Розæ Шиловска, ралыгъдысты АИШ-мæ Киевы губернæйæ XX æнусы райдианы.^[8] Лæппуйæн фараст азы куы сæххæст, бинонтæ ралыгъдысты дзуттаг сыхæй сахары æндæр районмæ — уæд уый базыдта, антисемитизм цы у, уый. Рæзыдис куыд æфсæрмыгæнæг, нæууæндæг лæппу^[9].

Маслоу хорз ахуыр кодта скъолайы æмæ 1926-æм азы йæ къухы бафтыд юридикон колледжмæ бацæуын, йæ фыды фæндиаг. Фæлæ афæдз куы нæма фæци, йæ фæндон раивта æмæ психологимæ йæ цæст æрдардта.

1928-æм азæй Маслоу ахуыр кодта Висконсины университеты, йæ зонадон амонæг дзы уыдис Гарри Харлоу, маймулитæ иртасæг. Уыцы иу аз ус ракуырдта, йæ бинойнаг сси йæ хæстæджытæй чызг Бертæ, кæцыйы уарзта 12-аздзыдæй.

1934-æм азы кусын байдыдта Колумбийы университеты куыд Эдвард Торндайкы ассистент.

1960-æм азты Маслоу сси зындгонд, 1967-æм азы та йæ равзæрстой Америкæйаг психологон ассоциацийы сæрдарæй — йæхæдæг дæр ууыл дис кодта^[9].