ਜਾਰਡਨ ਬੇਲਫੋਰਟ

ਜਾਰਡਨ ਬੇਲਫੋਰਟ ਦਾ ਜਨਮ 1962 ਵਿੱਚ ਨਿਊਯਾਰਕ ਸਿਟੀ ਦੇ ਬ੍ਰੋਂਕਸ ਬੋਰੋ ਵਿੱਚ ਯਹੂਦੀ ਮਾਪਿਆਂ ਦੇ ਘਰ ਹੋਇਆ ਸੀ। ਉਸਦੇ ਪਿਤਾ ਮੈਕਸ ਅਤੇ ਉਸਦੀ ਮਾਂ ਲੀਹ ਦੋਵੇਂ ਲੇਖਾਕਾਰ ਸਨ।^[5][6][7] ਉਸਦਾ ਪਾਲਣ ਪੋਸ਼ਣ ਬੇਸਾਈਡ, ਕੁਈਨਜ਼ ਵਿੱਚ ਹੋਇਆ ਸੀ। ^{[8][9][6][10][11]}

ਹਾਈ ਸਕੂਲ ਮੁਕੰਮਲ ਕਰਨ ਅਤੇ ਕਾਲਜ ਸ਼ੁਰੂ ਕਰਨ ਦੇ ਵਿਚਕਾਰ, ਜਾਰਡਨ ਅਤੇ ਉਸਦੇ ਬਚਪਨ ਦਾ ਦੋਸਤ ਇਲੀਅਟ ਲੋਵੇਨਸਟਰਨ ਸਥਾਨਕ ਬੀਚ 'ਤੇ ਲੋਕਾਂ ਨੂੰ ਸਟਾਇਰੋਫੋਮ ਕੂਲਰ ਤੋਂ ਬਣੀ ਇਤਾਲਵੀ ਬਰਫ਼ ਵੇਚਦੇ ਹੁੰਦੇ ਸੀ ਅਤੇ ਇਸ ਤੋਂ ਉਨ੍ਹਾਂ ਨੇ $20,000 ਦੀ ਕਮਾਈ ਕੀਤੀ।^[12] ਜਾਰਡਨ ਅਮਰੀਕੀ ਯੂਨੀਵਰਸਿਟੀ ਤੋਂ ਜੀਵ ਵਿਗਿਆਨ ਦੀ ਡਿਗਰੀ ਦੇ ਨਾਲ ਗ੍ਰੈਜੂਏਟ ਹੋਇਆ। ^[13][14] ਲੋਵੇਨਸਟਰਨ ਨਾਲ ਮਿਲਕੇ ਕਮਾਏ ਪੈਸਿਆਂ ਨਾਲ਼ ਉਸਨੇ ਡੈਂਟਲ ਸਕੂਲ ਲਈ ਫ਼ੀਸ ਭਰੀ^[15] ਅਤੇ ਯੂਨੀਵਰਸਿਟੀ ਆਫ਼ ਮੈਰੀਲੈਂਡ ਸਕੂਲ ਆਫ਼ ਡੈਂਟਿਸਟਰੀ ਵਿੱਚ ਦਾਖਲਾ ਲਿਆ। ਉਸਦੇ ਪਹਿਲੇ ਦਿਨ ਹੀ ਸਕੂਲ ਦੇ ਡੀਨ ਨੇ ਕਿਹਾ ਕਿ: “ਦੰਦਾਂ ਦੇ ਡਾਕਟਰਾਂ ਦਾ ਦਾ ਸੁਨਹਿਰੀ ਯੁੱਗ ਖਤਮ ਹੋ ਗਿਆ ਹੈ। ਜੇ ਤੁਸੀਂ ਇੱਥੇ ਸਿਰਫ਼ ਇਸ ਲਈ ਹੋ ਕਿਉਂਕਿ ਤੁਸੀਂ ਬਹੁਤ ਸਾਰਾ ਪੈਸਾ ਕਮਾਉਣਾ ਚਾਹੁੰਦੇ ਹੋ, ਤਾਂ ਤੁਸੀਂ ਗਲਤ ਥਾਂ 'ਤੇ ਹੋ।" ਇਸ ਸੁਣਨ ਤੋਂ ਬਾਅਦ ਉਸਨੇ ਪਹਿਲੇ ਦਿਨ ਹੀ ਕਾਲਜ ਛੱਡ ਦਿੱਤਾ।^[16][17]

ਸਟ੍ਰੈਟਨ ਓਕਮੋਂਟ ਚਲਾਉਣ ਵੇਲੇ, ਜਾਰਡਨ ਅਤੇ ਉਸਦੀ ਪਹਿਲੀ ਪਤਨੀ ਡੇਨੀਸ ਲੋਂਬਾਰਡੋ ਦਾ ਤਲਾਕ ਹੋ ਗਿਆ ਸੀ। ਬਾਅਦ ਵਿੱਚ ਉਸਨੇ ਨਦੀਨ ਕੈਰੀਡੀ ਨਾਲ ਵਿਆਹ ਕਰਵਾ ਲਿਆ ਜੋ ਇੱਕ ਬ੍ਰਿਟਿਸ਼ ਮੂਲ ਦੀ, ਬੇ ਰਿਜ, ਬਰੁਕਲਿਨ ਮਾਡਲ ਸੀ। ਇਹ ਦੋਵੇਂ ਇੱਕ ਪਾਰਟੀ ਵਿੱਚ ਮਿਲੇ ਸਨ। ਉਨ੍ਹਾਂ ਦੋ ਬੱਚੇ ਸਨ। ਜਾਰਡਨ ਦੀ ਨਸ਼ੇ ਦੀ ਲਤ ਅਤੇ ਬੇਵਫ਼ਾਈ ਕਰਕੇ ਪੈਦਾ ਹੋਈਆਂ ਸਮੱਸਿਆਵਾਂ ਕਾਰਨ ਉਹ ਦੋਵੇਂ ਵੱਖ ਹੋ ਗਏ। 2005 ਵਿੱਚ ਉਨ੍ਹਾਂ ਦਾ ਤਲਾਕ ਹੋ ਗਿਆ।^[18][19]

ਜਾਰਡਨ ਬੇਲਫੋਰਟ ਲਗਜ਼ਰੀ ਯਾਟ ਨਦੀਨ ਦਾ ਅੰਤਮ ਮਾਲਕ ਸੀ, ਜੋ ਅਸਲ ਵਿੱਚ 1961 ਵਿੱਚ ਕੋਕੋ ਚੈਨਲ ਲਈ ਬਣਾਈ ਗਈ ਸੀ। ਯਾਟ ਦਾ ਨਾਂ ਬਦਲ ਕੇ ਕੈਰੀਡੀ ਰੱਖਿਆ ਗਿਆ ਸੀ। ਜੂਨ 1996 ਵਿੱਚ, ਯਾਟ ਸਾਰਡੀਨੀਆ ਦੇ ਪੂਰਬੀ ਤੱਟ ਉੱਤੇ ਡੁੱਬ ਗਈ ਸੀ^[20] ਅਤੇ ਇਟਾਲੀਅਨ ਨੇਵੀ ਸਪੈਸ਼ਲ ਫੋਰਸਿਜ਼ ਯੂਨਿਟ ਕੋਮਸੁਬਿਨ ਦੇ ਫਰਾਗਮੈਨਾਂ ਨੇ ਜਹਾਜ਼ ਵਿੱਚ ਸਵਾਰ ਸਾਰੇ ਲੋਕਾਂ ਨੂੰ ਬਚਾ ਲਿਆ। ਜਾਰਡਨ ਨੇ ਕਿਹਾ ਕਿ ਉਸਨੇ ਆਪਣੇ ਕਪਤਾਨ ਦੀ ਸਲਾਹ ਦੇ ਵਿਰੁੱਧ ਤੇਜ਼ ਹਵਾਵਾਂ ਵਿੱਚ ਸਮੁੰਦਰੀ ਸਫ਼ਰ ਕੀਤਾ ਜਿਸਦੇ ਨਤੀਜੇ ਵਜੋਂ ਲਹਿਰਾਂ ਨੇ ਫੋਰਡੇਕ ਹੈਚ ਨੂੰ ਤੋੜ ਦਿੱਤਾ ਤਾਂ ਜਹਾਜ਼ ਡੁੱਬ ਗਿਆ।^[21][22]

2021 ਦੀ ਪਤਝੜ ਵਿੱਚ, ਇੱਕ ਹੈਕਰ ਨੇ ਜਾਰਡਨ ਦੇ ਕ੍ਰਿਪਟੋਕਰੰਸੀ ਵਾਲੇਟ ਤੋਂ ਡਿਜੀਟਲ ਟੋਕਨਾਂ ਵਿੱਚ $300,000 ਚੋਰੀ ਕਰ ਲਏ।^[23]

ਜਾਰਡਨ ਵੀ ਇੱਕ ਸ਼ੌਕੀਨ ਟੈਨਿਸ ਖਿਡਾਰੀ ਹੈ।^[24]

ਜੌਰਡਨ ਬੇਲਫੋਰਟ ਅਮੈਰੀਕਨ ਗ੍ਰੀਡ (ਸੀਜ਼ਨ 9, ਐਪੀਸੋਡ 8) ਦੇ ਇੱਕ ਐਪੀਸੋਡ ਵਿੱਚ ਨਜ਼ਰ ਆਇਆ ਸੀ ਜਿਸਦਾ ਨਾਮ "ਵਾਲ ਸਟ੍ਰੀਟ ਦਾ ਅਸਲ ਵੁਲਫ" ਹੈ।^[25]