ਤੋਬਾ ਝੀਲ

ਤੋਬਾ ਝੀਲ ਇੰਡੋਨੇਸ਼ੀਆ ਦੇ ਟਾਪੂ ਸੁਮਾਤਰਾ ਦੇ ਉੱਤਰ - ਵਿਚਕਾਰ ਵਿੱਚ ਸਥਿਤ ਇੱਕ ਝੀਲ ਅਤੇ ਇੱਕ ਮਹਾਜਵਾਲਾਮੁਖੀ ਹੈ। ਇਹ ਝੀਲ 100 ਕਿਮੀ ਲੰਬੀ ਅਤੇ 30 ਕਿਮੀ ਚੌੜੀ ਹੈ ਅਤੇ ਇਸ ਦੀ ਅਧਿਕਤਮ ਗਹਿਰਾਈ 500 ਮੀਟਰ ਹੈ। ਤੋਬਾ ਝੀਲ ਇੰਡੋਨੇਸ਼ੀਆ ਦੀ ਸਭ ਤੋਂ ਵੱਡੀ ਝੀਲ ਹੈ ਅਤੇ ਸੰਸਾਰ ਦੀ ਸਭ ਤੋਂ ਵੱਡੀ ਜਵਾਲਾਮੁਖੀ ਝੀਲ ਵੀ ਹੈ। ਜਵਾਲਾਮੁਖੀ ਝੀਲਾਂ ਉਹ ਝੀਲਾਂ ਹੁੰਦੀਆਂ ਹਨ ਜੋ ਕਿਸੇ ਜਿੰਦਾ ਜਾਂ ਮੋਇਆ ਜਵਾਲਾਮੁਖੀ ਦੇ ਮੁੰਹ ਵਿੱਚ ਪਾਣੀ ਭਰ ਜਾਣ ਨਾਲ ਬਣ ਜਾਂਦੀਆਂ ਹਨ। ਇਹ ਮੰਨਿਆ ਜਾਂਦਾ ਹੈ ਦੀ ਅੱਜ ਤੋਂ ਕਰੀਬ 69,000 ਤੋਂ ਲੈ ਕੇ 77,000 ਸਾਲ ਪਹਿਲਾਂ ਇਸ ਜਵਾਲਾਮੁਖੀ ਵਿੱਚ ਸੰਸਾਰ ਦਾ ਸਭ ਤੋਂ ਵੱਡਾ ਜਵਾਲਾਮੁਖੀ ਵਿਸਫੋਟ ਹੋਇਆ।

ਇਹ ਅਨੁਮਾਨ ਲਗਾਇਆ ਜਾਂਦਾ ਹੈ ਦੇ ਇਸ ਵਿਸਫੋਟ ਦੇ ਕਾਰਨ ਸੰਸਾਰ ਵਿੱਚ ਉਸ ਸਮੇਂ ਮੌਜੂਦ ਜਿਆਦਾਤਰ ਮਨੁੱਖ ਮਾਰੇ ਗਏ ਸਨ ਅਤੇ ਮਨੁਖਜਾਤੀ ਹਮੇਸ਼ਾ ਲਈ ਨਸ਼ਟ ਹੋਣ ਦੇ ਬਹੁਤ ਕਰੀਬ ਆ ਪਹੁੰਚੀ ਸੀ। ਹਿੰਦ ਉਪਮਹਾਦੀਪ ਦੇ ਪੂਰੇ ਖੇਤਰ ਨੂੰ ਇਸ ਵਿਸਫੋਟ ਨਾਲ ਅਤਿਅੰਤ ਨੁਕਸਾਨ ਹੋਇਆ ਜਿਸ ਵਿੱਚ ਇਸ ਖੇਤਰ ਦੇ ਸਾਰੇ ਜੰਗਲ ਨਸ਼ਟ ਹੋ ਗਏ। ਇਸ ਪੂਰੇ ਇਲਾਕੇ ਉੱਤੇ ਰਾਖ ਦੀ ਮੋਟੀ ਤਹਿ ਫੈਲ ਗਈ ਜੋ ਅੱਜ ਵੀ ਸਾਰੇ ਭਾਰਤ ਅਤੇ ਪਾਕਿਸਤਾਨ ਵਿੱਚ ਜ਼ਮੀਨ ਦੇ ਹੇਠਾਂ ਪਾਈ ਜਾਂਦੀ ਹੈ।^[2][3]

ਤੋਬਾ ਝੀਲ ਦੇ ਕੰਡੇ ਬਤਾਕ ਲੋਕ ਰਹਿੰਦੇ ਹਨ ਜੋ ਮਲਾ ਲੋਕਾਂ ਤੋਂ ਨਰਜਾਤੀ ਤੌਰ 'ਤੇ ਵੱਖ ਹਨ। ਇੱਥੇ ਤੱਕ ਪਹੁੰਚਣ ਲਈ ਮੇਦਾਨ ਸਭ ਤੋਂ ਨਜ਼ਦੀਕੀ ਹਵਾਈ ਅੱਡਾ ਹੈ ਅਤੇ ਸਿਆਂਤਰ ਸਭ ਤੋਂ ਨਜ਼ਦੀਕੀ ਰੇਲਵੇ ਸਟੇਸ਼ਨ।