Siracusa
Siracusa a l'é na sità dla Sicilia ëd 123.324 abitant, capleugh dl'omònima provinsa. La sità a së stend arlongh la còsta oriental ëd Sicilia.A pija sò nòm dal maré Syrako lì-davzin. A l'é na sità d'art ëd n'anteresse archeològich ëstrasordinari, n'amportant sènter torìstich, na località balnear e n'amportant sènter d'atività comersiaj e andustriaj. StòriaConforma a lòn ch'a conta Strabon, Siracusa a l'é stàita fondà da Archias. Con l'agrandisse ëd soa prosperità e soa potensa militar, la sità a l'é vnùita an pressa un dij sènter amportant dël bassin mediterani.Dël 480 aGC a l'ha batù ij cartaginèis, con l'agiut dj'agrigentin. Ai temp ëd Dionis, as son butasse a dësvlupé la strutura difensiva dla sità, con l'atension sempe vers Cartàgin. Dël 212 aGC a l'é stàita conquistà dai roman.Durant le violense séghit a la conquista, a l'é mòrtie ëdcò Archimede. Ant la prima mità dël VI sécol, Siracusa a l'é stàita gionzùa a l'Amper bisantin.A l'ha acujì la cort ëd Costans II, che ambelessì a l'é stàit massà dël 668. Dl'878 a l'é stàita ocupà da j'àrabo, ch'a l'han gavaje ël ròl aministrativ amportant ch'a l'avìa avù fin-a a col moment. Séghit a j'acòrd d'Utrecht, a l'é passà ai Savòja, peui a j'austrìach e ai Borbon. ArtisanàAntra ij prodot caraterìstich ëd l'artisanà a-i son le siràmiche ch'a arpresento sene dla vita sicilian-a, ij travaj an bòsch e an coram, j'oget tìpich an papir. Leu d'anteresseTuti ij di an piassa Pancali as dësrola ël mërcà, ch'a eufr tute sòrt ëd vestiari e d'alimentar. Palass e costrussionCese
Catacombe
Musé
D'àutri pòst anteressantSorgiss AretusaCosta sorgiss d'eva dossa motobin antica a seurt da na balma davzin al mar.Ambelessì la mitologìa a l'ha postà la vicenda d'Aretusa e Alfé. La fontan-a d'ArtémideA resta an piassa Archimede.A l'é euvra ëd Moschetti e a simbolisa ël mit ëd la ninfa Aretusa. Ël teatro grechËl teatro grech a resta an slë spiuvent ëd ròca ëd Còl Temenite, con la fòssa voltà vers la pian-a siracusan-a bordà dal mar. Durant la prima mità dël sécol ch'a fa XV, sota Carl V, la part superiora dla fòssa e la sena a son ëstàite dësblà për fene ëd material da costrussion për le fortificassion d'Ortigia.La granda fòssa, na vira formà da 67 órdin dë scalin, a n'ha mach pì 46, partagià an 9 setor. L'anfiteatro romanA l'é bel fé ch'a sia stàit fabricà a parte dal I sécol aGC.A l'é a pianta elìtica e a l'é stàit realisà con dle proporsion grandiose. L'orija ëd DionisCiamà parèj da Caravagg, costa balma a forma ëd pavajon auricolar a arvela dle qualità acùstiche particolar.La legenda a conta che ël tiran siracusan a-i confinava ij sò nemis e a na scotava le conversassion da fòra. AministrassionËl sìndich a l'é Roberto Visentin (dal 16/06/2008). Sità gemelà Siracusa a l'é gemelà con:
Anliure esterne | ||||||||||||||||||||||||||||||||||
.svg)
