حبیب بن مظاہر

حبیب ابن مظاہر اسدی(عربی: حبيب بن مظاهر الأسدي)(پورا ناں: حبیب بن مُظهر (أو مظاهر) بن رئاب الأسدی الکِنْدی، ثمَّ الفقعسی) کوفہ دے رہن والے تے قبیلہ بنو اسد دے معزز فرد سن ۔ آپ اصحاب علی ابن ابی طالب ، حسن ابن علی تے حسین ابن علی وچوں سن ۔ آپ علی ابن ابی طالب نال جنگ جمل ، جنگ صفین تے جنگ نہروان چ شریک رہے تے کربلا دے میدان چ امامحسین ابن علی ولوں یزیدی فوج نال لڑدے ہوئے شہید ہوئے.^[۱]

آپ اوہناں لوکاں وچوں اک سن جنہاں نے امام حسین نوں کوفہ آن لئی خط لکھے سن ، پر ، جدوں آپ نے دیکھیا کہ کوفہ دے لوکاں نے ا امام حسین نال پنی بیعت توڑ دتی اے ، آپ نے کوفہ چھڈ دتا تے امام حسین نال آ ملے تے 75 سال دی عمر چ آپ امام ولوں یزیدی فوج نال لڑدےہوئے شہید ہوئے ۔^[۲]

جیون

آپ پیامبر اسلام دی مدینہ ہجرت توں 14 سال پہلے یمن چ قبیلہ ابو اسد چ پیدا ہوئے ۔ سال 9 ہجری چ آپ دا خاندان مدینہ آیا تے ایتھے ای وسوں کر لئی ۔.^[۳][۴]آپ بوہت سارے علوم جنہاں چ فقہ، تفسیر، قرائت، حدیث، ادبیات، جدل و مناظره دے عالم تے حافظ قرآن مجید سن.^[۵][۶]

کربلا دی لڑائی

حبیب ابن مظاہر نے کربلا دی لڑائی چ بہادری نال حصہ لیا ۔ تے امام حسین دی اگوائی ہیٹھ آپ نے عمرو بن سعد دی یزیدی فوج نال جنگ لڑی ۔

امام حسین علیہ سلام دی فوج تن حصےآں :سجی ٹکڑی ، کھبی ٹکڑی تے اہل بیت وچ ونڈی ہوئی سی ، اسدے باوجود کہ حبیبب ابن مظاہر کافی بڈھے سن آپ کھبی ٹکڑی دے آگو سن ۔ .^[۷]آپ دا مزار روضۂ امام حسین دے اندر دکھنی حصے چ اے ۔.^[۸][۹]آپ دا سر عباس ابن علی تے علی اکبر دے سر مبارک نال شام چ دمشق دے تریخی قبرستان باب صغیر چ دفن اے تے آپ دا بدن امام حسین دے روضۂ چ دفن اے تے آپ دی قبر اتے چاندی دی ضریح اے ۔

میدان جنگ چ حبیب دا رجز

ہور ویکھو

• حسین ابن علی
• واقعہ کربلا
• لسٹ شہدائے کربلا

حوالے