آیت اللہ حسین علی منتظری اک مشہور شیعہ ایرانی عالم دین تے ایرانی حکومت دے نقاد سن۔ 1922 نوں اصفہان وچ پیدا ہوئے اپنی ابتدائی دینی تعلیم اصفہان توں حاصل کیتی۔ شاہ دے زمانے وچ انہاں نوں کافی مشکلات دا سامنا کرنا پیا۔ اوہ نسبتاً آزاد خیال قسم دے شعیہ عالم سن۔ آیت اللہ منتظری انقلابِ ایران دے اہم ترین رہنماواں وچوں سن مگر سنہ 1989 وچ آیت اللہ منتظری تے آیت اللہ خمینی دے درمیان وچ اختلافات پیدا ہوئے سن۔ آیت اللہ منتظری نوں اک زمانے وچ امام خمینی دا جانشین مقرر کیتا گیا سی کہ لیکن سنہ 1989 وچ آیت اللہ خمینی دے انتقال توں کچھ ماہ پہلے ایران وچ حقوقِ انسانی دی صورت حال اُتے دونے علما وچ تنازعے دے بعد انہاں توں ایہ استحقاق واپس لے لیا گیا۔ بعد ازاں سنہ 1997 وچ آیت اللہ منتظری نے امام خمینی دے جانشین آیت اللہعلی خامنہ ای دے اختیارات اُتے سوال اٹھایا جس دے نتیجے وچ نہ صرف انہاں دا مدرسہ بند کر دتا گیا بلکہ انہانوں چھ برس نظر بندی وچ گزرانے پئے۔ 2009 وچ ہونے والے ایرانی انتخابات وچ انہاں نے نسبتا معتدل تے آزاد خیال امیدوار موسوی دی حمایت کیتی تے انہاں نے جون 2009 وچ ایرانی صدارتی انتخاب دے بعد صدر احمدی نژاد دی مذمت وچ فتوٰی وی دتا۔ 19 دسمبر 2009 نوں انہاں دا انتقال ہویا۔ انہاں دے جنازے وچ بے شمار حکومت مخالف لوکاں نے شرکت کیتی۔