عبدالرحمن الغافقی
| ||||
|---|---|---|---|---|
 | ||||
| جم | 7ویں صدی | |||
| وفات | ۷ اکتوبر ۰۷۳۲[۱][۲][۳][۴] | |||
| وجہ وفات | لڑائی میں مارا گیا | |||
| شہریت |  اموی خلافت | |||
| ہور معلومات | ||||
| پیشہ | فوجی افسر ، سیاست دان | |||
| عسکری خدمات | ||||
| لڑائیاں تے جنگاں | ٹورز دی لڑائی | |||
ترمیم  | ||||
عبدالرحمن الغافقی (انتقال732ء ) بنو امیہ دا اک جرنیل تے اندلس دا گورنر سی ، جس دی زیر قیادت اموی فوج نے فرانس تے حملہ کیتا سی ۔ تے 10 اکتوبر 732ء چ بلاط الشہداء(جنگ ٹورس ) چ شکست کھادی ۔ اس شکست دے نتیجے چ مغربی یورپ چ اسلام دی پیس قدمی رک گئی۔
عبدالرحمن دا تعلق یمن دے قبیلے غافق نال سی ، جہڑا پہلے تیونس تے بعد چ مراکش چ قیام پزیر ہوئیا ،۔ 721ء چ جنگ ٹولوس چ السمح ابن ملک دی ہلاقت دے بعد عبدالرحمن نے مشرقی اندلس دی قیادت سمبھالی ، تاہم عنسب بن سحیم الکلبی دی تقرری دے بعد قیادت توں دستبردار ہوگئیا ۔ 726ء چ عنسبہ دی ہلاقتت دے بعد متحدہ کمانداراں نے قیادت سمبھالی پر کسے دا دور وی طویل نئیں رہیا تے بالآخر 730ء چ ہشام بن عبدالمالک نے عبدالرحمان نوں اندلس دا کورنر تے کمانڈر مقرر کردتا ۔
اس نے فرانس تے چڑھائی دا ارادہ کیتا تے کوہ پائیرینس عبور کر کے بورڈیکس تے قبضہ کرلئیا ، پر اسدیاں فتوحات زیادہ دیر برقرار نا رہ سکیاں تے 732ء چ ٹورس دے مقام تے ہون والی جنگ چ چارلس مارٹیل دی زیر قیادت فرانسیسیاں نے شکست دے دتی ۔ اس جنک ج عبدالرحمن ماریا گئیا ۔
مسلم تے یورپی دونے مورخ اس گل تے متفق نیں کہ جے جنگ ٹورس ج اموی لشکر نوں شکست نا ہندی تے سارا عیسائی یورپ مسلماناں دے زیر نگیں ہونا سی تے تریخ بالکل تبدیل ہوجاندی ۔ اس شکست دے بعد مسلماناں نے فیر کدے وی فرانسیسی علاقیاں تے چڑھائی نئیں کیتی ۔ چارلس دی فتح تریخ عالم دیاں فیصلہ کن فتوحات چ شامل اے ، جس نے مغربی یورپ نوں اسلام دے ودھدے ہوئے طوفان توں بچا لئیا ۔