باپ

باپ یا والد (انگریزی: Father)، بچے دا مرد والدین ہُندا اے۔ باپ دے اپݨے بچےآں دے نال پدرانہ رِشتےآں توں علاوہ باپ دا بچے دے نال قانونی تے سماجی تعلق ہو سکدا اے جو اوہدے نال کچھ حقوق تے ذمہ داریاں رکھدا اے۔ اک حیاتیاتی باپ جِنسی ملاپ یا سپرم فراہمی دے ذریعے بچے دی تخلیق وچ مردانہ جینیاتی معاون ہُندا اے۔ اک حیاتیاتی باپ دی اوس بچے لئی قانونی ذمہ داریاں ہو سکدیاں نیں جیہدی پرورش اوہنے نہ کیتی ہووے، جِداں مالی امداد دی ذمہ داری۔ گود لیݨ والا باپ اوہ شخص ہُندا اے جو گود لیݨ دے قانونی عمل دے ذِریعے بچے دا والدین بݨ گیا ہووے۔ سوتیلا باپ اک غیر حیاتیاتی مرد والدین ہُندا اے جیہدا ویاہ بچے دے پہلے توں موجود والدین نال ہُندا اے تے اوہ خاندانی اکائی تشکیل دے سکدا اے۔