پاکستان رینجرز
پاکستان رینجرز | |
مُلک : | پاکستان |
بݨی : | 1958 |
کم : | چڑھدے بارڈر دی راکھی |
ہیڈ کوارٹر : | اسلام آباد، کراچی، لہور |
تھللیاں ونڈاں : | پاکستان رینجرز سندھ، پاکستان رینجرز پنجاب |
کمانڈر : | ڈائریکٹر جنرل |
پاکستان رینجرز، پاکستان دا اک نیم فوجی ادارہ اے ۔ جیہدا کَم پاکستان دے چڑھدے پاسے دے بارڈر دی حفاظت تے جنگ و شورش زدہ علاقےآں وچ عوام نوں تحفظ فراہم کرنا اے ۔
ایہدا سربراہ ڈائریکٹر جنرل اے ۔ جیہڑا لیفٹیننٹ جنرل رینک دا آرمی افسر ہُندا اے ۔ اوہنوں چیف آف آرمی سٹاف تعینات کردا اے ۔ پاکستان رینجرز نوں رینجرز آرڈیننس 1959 دے تحت بݨایا گیا ۔
پاکستان رینجرز نوں انتظامی لحاظ نال دو حصےآں وچ تقسیم کيتا گیا اے ۔پنجاب رینجرز تے سندھ رینجرز
پنجاب رینجرز
پنجاب رینجرز دا ہیڈ کوارٹر لہور وچ اے ۔ پنجاب رینجرز دا کم بھارت نال 1300 کلومیٹر لمبی سرحد دی حفاظت کرنا اے ۔اس توں علاوہ پنجاب رینجرز پاک فوج تے ہور انٹیلی جنس ایجنسیاں نال مل کے دہشت گرداں دے خلاف پنجاب دے مختلف علاقےآں وچ کارروائیاں وی کر دی اے ۔
سندھ رینجرز
سندھ رینجرز دا ہیڈ کوارٹر کراچی وچ اے ۔ سندھ رینجرز دا کَم بھارت نال لَگدی 912 کلومیٹر لمبی سرحد دی حفاظت کرنا اے ۔اس توں علاوہ سندھ رینجرز سندھ وچ دہشت گرداں دے دوجے مُلک دُشمݨ عناصر دے خلاف کارروائیاں وی کر دی اے ۔ خاص طور تے کراچی وچ دہشگرداں تے ملک دشمݨ گروہاں دے خلاف کارروائیاں کر دی اے ۔ کراچی وچ امن و امان قائم کرنا رینجرز دی وڈی کامیابی اے ۔ رینجرز نوں کراچی وچ انسداد دہشت گردی دے قوانین دے تحت کارروائی دے اختیارات حاصل نيں ۔
تصویر گیلری
- پاکستان رینجرز پنجاب
- پاکستان رینجرز سندھ