گیان پیٹھ انعام

گیان پیٹھ انعام بھارتی ساہت لئی دتے جان والے دو اچ پدھری انعاماں وچوں اک ہے۔ دوسرا اچ پدھری انعام ساہت اکیڈمی فیلوشپ ہے۔^[۱][۲] بھارت دا کوئی وی شہری جو اٹھویں لسٹ وچّ درج 22 بولیاں وچوں کسے بولی وچّ لکھدا ہووے، اس انعام دے لایق ہے۔ انعام وچّ پنج لکھ روپئے دی نقد آرکیئیم، تعریفی سند اتے سرسوتی دیوی دی کانسی دی مورتی دتی جاندی ہے۔ 1 لکھ روپئے دی انعام رقم نال شروع ہوئے اس انعام نوں 2005 وچّ 7 لکھ روپئے کر دتا گیا۔ 2005 لئی چنیا گیا ہندی ساہتکار راج کمار نرائن پہلا بندہ سی جس نوں 7 لکھ روپئے دا گیانپیٹھ انعام حاصل ہویا۔ پہلا گیانپیٹھ انعام 1965 وچّ ملیالم لکھاری جی شنکر کرپ نوں پردان کیتا گیا سی۔ اس سمیں انعام دی رقم 1 لکھ روپئے سی۔ 1982 تکّ ایہہ انعام لکھاری دی اک رچنا لئی دتا جاندا سی۔ لیکن اسدے بعد ایہہ لکھاری دے بھارتی ساہت وچّ پورے یوگدان لئی دتا جان لگا۔ ہن تکّ ہندی اتے کنڑ بولی دے لکھاری سبھ توں زیادہ ستّ وار ایہہ انعام پا چکے ہن۔ ایہہ انعام بنگالی نوں پنج وار، ملیالم نوں چار وار، اُڑیا، اردو اتے گجراتی نوں تنّ - تنّ وار، آسامی، مراٹھی، تیلگو، پنجابی اتے تامل نوں دو - دو وار مل چکیا ہے۔ ایہہ انعام ٹائیمز آف انڈیا دے اشاعت کنندہ–ساہو جین پروار– ولوں قایم بھارتی گیانپیٹھ ٹرسٹ ولوں 1961 وچّ قایم کیتا گیا سی۔