حسینیوالا ہیڈ ورکس توں دریا ستلج دے کھبے کنڈھے توں بیکانیر نہر (گنگ کینال) تے ایسٹرن نہر کڈھیاں گئیاں ۔ بیکانیر نہر دا نیوں پتھر بیکانیر دے مہاراجا گنگا سنگھ نے دسمبر 1925 وچ رکھیا ۔ پہلاں اس دی سمرتھا 2144 کیوسکس سی جیہڑی پچھوں ودھا کے 2720 کیوسکس کر دتی گئی ۔ اس نہر دا ریگولیٹر 4 سپیناں دا ہاے ۔ اس نہر دی پنجاب وچ 160 کلومیٹر لمبائی ہے اتے اس نوں پنجاب نے اپنے کھیتر وچ بیکانیر دے خرچے تے بنایا ۔ ہیڈّ ریچ وچ کم 1923 وچ ہی شروع کر دتا گیا سی ۔ اس نہر دی کمانڈ تھلے 6،50،000 ایکڑ رقبہ پہلاں نردھارت کیتا گیا سی ۔ پنجاب وچ ایہ پہلی پکی نہر بݨائی گئی سی تے 1928 وچ مکمل ہوئی ۔ ایہدے اُتے 332 لکھ روپئیے خرچ ہوئے ۔ ہریکے دے ستھان تے بیراج تے فیروز پور فیڈر نہر بݨ جاݨ تے بیکانیر نہر نوں حسینیوالا توں پاݨی دی سپلائی بند کر دِتی گئی تے ایہدی برجی 45000 تے فیروز پور فیڈر نہر نال جوڑ دتا گیا ۔ ایہ نہر راجستھان دے ضلع سری گنگا نگر دے کھیتر نوں پاݨی دِندی اے ۔ 1947 تک بیکانیر ریاست پاݨی دی رائلٹی پنجاب سرکار نوں دندی رہی ۔