Венди Копп
Венди Сью Копп (ааҥл. Wendy Sue Kopp, төр. бэс ыйын 29 күнэ 1967) — кэммиэрсийэтэ суох кыра хааччыллыылаах дьиэ кэргэннэр үөрэх ылыыларын тоҕоостоох оҥоруунан дьарыктанар Teach For America тэрилтэ тэрийээччитэ уонна сэбиэтин бэрэссэдээтэлэ. Ону кэккэ Teach For All, АХШ-тан атын дойдуларга Teach For America моделын туһанар глобаальнай кэммиэрсийэтэ суох тэрилтэлэр ситимнэрин, генераальнай дириэктэрэ уонна олохтоһооччута
| Венди Копп | |
| ааҥл. Wendy Sue Kopp | |
 | |
| Үлэтэ: | Teach For America, CEO тэрийээччитэ уонна бырабылыанньа бэрэссэдээтэлэ; Teach For All тэрийсээччитэ |
|---|---|
| Төрөөбүт күнэ: | 29 бэс ыйын 1967 (56 саастаах) |
| Төрөөбүт сирэ: | Остин (Техас), АХШ |
| Гражданствота: | |
| Дойдута: | |
2014 сыллаахха Копп Fortune сурунаал версиятынан 50 аан дойдуу улуу лиидердарын ахсааныгар 25-с миэстэ буолбута[1].
Биографията
Венди Копп Далласка (Техас) Highland Park High School оскуоланы бүтэрбитэ, ол кэннэ Принстон үнүбүрсүтүөтүн иһинэн баар Вудро Вильсон аатынан уопсастыбаннай уонна аан доудй сыһыаннарын оскуолатыгар үөрэммитэ. 1989 сыллаахха принстоҥҥа бакалаавр истиэпэнин ылбыта. Үнүбүрсүтүөккэ үөрэнэр сылларыгар Принстон Business Today сурунаалын чилиэнэ этэ уонна University Press Club састаабыгар киирэрэ.
Teach For America
1989 сыллаахха Венди Копп бэйэтин диссертациятыгар Teach For America тэрилтэни тэрийэргэ этии киллэрбитэ, диссертациятын суруйарга кини социология ыстаарсай профессорын Марвин Бресслеры кытта сүбэлэспитэ[2]. Бырайыагын ис дьиҥэ - эмиэрикэ дьадаҥы дьиэ кэргэннэрин оҕолорун сылларынан үөрэтэргэ эдэр үөрэҕи бүтэрбит учууталлары тардыы[3]. Сотору кэминэн Копп, Принстоны бүтэрээт, Teach For America тэрийбитэ. 1990 сыллаахха кэллиэстэри 500 бүтэрээччи эдэр дьон Teach For America-ҕа учууталлаары кыттыспыттар. 1991 сыллаахха Копп Echoing Green-н TFA сайдыытыгар граан ылбыта[4]. 2012 сыллаахха хампаанньа ыраас ахтыыба сылга $419,098,314 кырата суох буолбута[5].
2007 сыллаахха Копп Teach For All тэрийбитэ (Teach For America моделын туһанар глобаальнай кэммиэрсийэтэ суох тэрилтэлэр ситимнэрин). 2013 сыллаахха Венди Teach For America генераальнай дириэктэрин дуоһунаһыттан уурайбыта уонна тэрилтэ бырабылыанньатын бэрэссэдээтэлин оруолун сүкпүтэ[6].
Тус олоҕо
Кэпп кэргэннээх, кэргэнэ - Ричард Барт, Knowledge Is Power Program пуонда бэрэсидьиэнэ, Нью-Йорка олороллор, түөрт оҕолоохтор[7].
Бочуот дуоктар истиэпэнэ
- 2014: Оклахома үнүбүрсүтүөтэ
- 2013: Бостон үнүбүрсүтүөтэ
- 2012: Гарвард үнүбүрсүтүөтэ
- 2010: Маркетт үнүбүрсүтүөтэ
- 2009: Вашингтон үнүбүрсүтүөтэ (Сент-Луис)
- 2008: Джорджтаун үнүбүрсүтүөтэ
- 2007: Mount Holyoke College
- 2007: Роудс колледж
- 2004: Пейс үнүбүрсүтүөтэ
- 2004: Колледж милосердия (Нью-Йорк)
- 2001: Колледж Смит
- 2000: Принстон үнүбүрсүтүөтэ
- 1995: Коннектикут колледж
- 1995: Дрю үнүбүрсүтүөтэ
Награадалара уонна премиялара
- 2011: Spelman College National Community Service Award
- 2008: The Skoll Award for Social Entrepreneurship
- 2008: Presidential Citizens Medal
- 2006: The Harold McGraw, Jr. Price in Education Award
- 2004: The John F. Kennedy New Frontier Award
- 2003: The Clinton Center Award for Leadership and National Service
- 2003: The Schwab Foundation’s Outstanding Social Entrepreneur Award
- 1994: Aetna’s Voice of Conscience Award
- 1994: The Citizen Activist Award from the Gleitsman Foundation
- 1993: Princeton University Woodrow Wilson Award
- 1991: Jefferson Award for Public Service|The Jefferson Award for Public
Кинигэлэрэ
- One Day, All Children: The Unlikely Triumph of Teach For America and What I Learned Along the Way (2001)
- A Chance to Make History: What Works and What Doesn’t in Providing an Excellent Education for All (2011)