Вешников Гаврил Григорьевич - Баал Хабырыыс
Вешников Гаврил Григорьевич — Баал Хабырыыс (15.04.1918—22.04.1969) — бэйиэт, ССРС суруйааччыларын Сойууһун чилиэнэ (1949).
Олоҕун олуктара
- 1918 сыллаахха муус устар 15 күнүгэр Курбуһахха Бороҕон улууһугар (билигин Уус-Алдан улууһугар) төрөөбүт.
- Дьокуускайдааҕы педтехникуму, Дьокуускайдааҕы пединституту бүтэрбит.
- Орто оскуолаларга уонна педучилищеларга учууталлаабыт.
- 1969 сыллаахха муус устар 22 күнүгэр күн сириттэн барбыт.
Айар үлэтэ
Бастакы хоһооннорун уонна поэмаларын хомуурунньуга 1945 сыллаахха күн сирин көрбүт.Сорох айымньылара сэриини күөттээччилэри утарыы уонна Аан дойдуга эйэни олохтуурга ыҥырыы ис хоһоонноохтор. Поэт тас дойдулар оччотооҕу кэм Поль Робсон, Раймонд Дьен, Назым Хикмет курдук сирдээччилэригэр хоһооннорун анаабыттаах.Ааҕааччылар биһирэбиллэрин 1954 сыллаахха тахсыбыт «Доҕордоһуу тойуга» хомуурунньуга ылбыта, чуолаан Юлиус Фучик хорсун быһыытыгар анаммыт «Песнь бессмертия» поэмата.Оҕолорго анаан араас хоһооннору суруйбут.
Наҕараадалара уонна ытык ааттара
- «Бочуот Знага» уордьан
Дьиэ кэргэнэ
Кэргэнэ скульптор Ольга Степановна Скубченко (1921-2012). Төрөппүт оҕолоро суох. Ииппит кыыһа эмиэ Ольга Скубченко диэн ааттаах скульптор (кэргэнин племянницатын ииттэ ылбыттар), Москубаҕа олорор.
Библиография
- Талыллыбыт айымньылар: Хоһооннор, поэмалар. — Дьокуускай: Кинигэ кыһата, 1968. — 464 с.
- Өлбөт мэҥэ: Хоһооннор, поэмалар (1941—1944 сс. ) — Дьокуускай: Кинигэ кыһата, 1945. — 74 с.
- Кэрэ киэһэлэр. — Дьокуускай: Кинигэ кыһата, 1947. — 30 с.
- Аччыгый атастарбар: Кыра саастаах оҕолорго. — Дьокуускай: Кинигэ кыһата, 1949. — 24 с., ил.
- Мин аны улааттым: Кыра саастаах оҕолорго хоһооннор. — Дьокуускай: Кинигэ кыһата, 1951. — 34 с.
- Мин көлүөнэм: Хоһооннор. — Дьокуускай: Кинигэ кыһата, 1951. — 95 с.
- Доҕордоһуу тойуктара: Хоһооннор, поэмалар. — Дьокуускай: Кинигэ кыһата, 1954. — 56 с.
- Лирика: Хоһооннор, ырыалар. — Дьокуускай: Кинигэ кыһата, 1958. — 120 с.
- Хоһооннор, остуоруйалар: Кыра саастаах оҕолорго. — Дьокуускай: Кинигэ кыһата, 1958. — 28 с.
- Туох диирий сүрэҕим: Хоһооннор. — Дьокуускай: Кинигэ кыһата, 1961. — 52 с.
- Тыатааҕы: Хоһооннор. — Дьокуускай: Кинигэ кыһата, 1962. — 24 с.
- Мин аргыстарым: Хоһооннор. — Дьокуускай: Кинигэ кыһата, 1964. — 112 с.
- Киһи тахсар дьоно: Оҕолорго хоһооннор. — Дьокуускай: Кинигэ кыһата, 1966. — 52 с.
- Туһа киһитэ: Кыра саастаах оскуола оҕолоругар хоһооннор уонна остуоруйалар. — Дьокуускай: Кинигэ кыһата, 1968. — 36 с.
- Үчүгэй оҕо: Оскуолаҕа киириэн иннинээҕи саастаах оҕолорго хоһооннор. — Дьокуускай: Кинигэ кыһата, 1968. — 28 с.