Винокурова Ульяна Алексеевна

Ульяна Алексеевна Винокурова — Саха Сирин биллэр общественнай деятелэ, Россия социологтарын Саха Сиринээҕи салаатын салайааччыта (2007), СР наукаларын үтүөлээх деятеля. Орто Халыма улууһун ытык киһитэ.

Орто Халыма улууһун Байды нэһилиэгэр 1947 сыл от ыйын 17 күнүгэр төрөөбүтэ. Ленингратааҕы Государственнай университет психологическай факультетын бастакы бүтэрээччилэриттэн биирдэстэрэ. Саха Сиригэр социология билимин наука сайдыытыгар олук уурсубута, сахалартан бастакы социология билимнэрин доктора. С. Сидорова аатынан государственнай бэлиэннэн бастакынан наҕараадаламмыта.

Суверенитеты туруорсуу кэмигэр СР Декларациятын, Конституциятын ситиһиигэ, Ил Түмэн икки ыҥырыылаах народнай депутатнынан эрчимнээхтик үлэлээбитэ. Хотугу омуктары чинчийэр институту тэрийсибитэ, 19 кинигэ ааптара. "Биһиги сахалар...", "Сказ о народе Саха", "Саха бастакы Президенэ" диэн кинигэлэрэ ааҕааччы киэҥ сэҥээриитин ылбыттара.