Гааз Фридрих Йозеф
Фридрих Йозеф Лаврентиус Гааз (ниэм. Friedrich Joseph Laurentius Haass, 1780-1853), Арассыыйаҕа Фёдор Петрович Гааз диэн аатынан биллибит филантроп быраас, Европаттан Москубаҕа көһөн олорбута, үлэлээбитэ, дьадаҥылары босхо эмтиирин, тиийиммэттэргэ көмөлөһөр амарах санаатын иһин "сибэтиэй дуоктар" диэн ааттаммыт киһи.
1780 сыллаахха атырдьах ыйын 10 күнүгэр Бад-Мюнстерайфель, герцогство Юлих-Берг төрөөбүт[1]. Эһэтэ быраас эбит, аҕата Петер Гааз аптекарь этэ. Катлоиктар оскуолаларын бүтэрэн баран быраас идэтин Йен университетыгар саҕалаабыта, салгыы Кёльн куоракка (Dreikönigsgymnasium), онтон 1805 сыллаахтан Гёттинген университетыгар үөрэммитэ. Учууталлара - Иоганн Адам Шмидт уонна Карл Густав Химли. Онтон Венаҕа офтальмологияҕа үлэлии сырыттаҕына киниэхэ Арассыыйа посланнига кинээс Репнин-Волконскай хараҕын эмтэппитэ. 1806 сыллаахха кинээс ыҥырыытынан Арассыыйаҕа көспүтэ.
Гааз 1853 сыллаахха атырдьах ыйын 28 (эргэ истиилинэн 16) күнүгэр Москубаҕа өлбүт.