Саха Өрөспүүбүлүкэтин Национальнай баана
Саха Өрөспүүбүлүкэтин Национальнай баана — Арассыыйа Баанын олохтоох тэрилтэтэ.
Устуоруйата
XIX үйэ ортотуттан Дьокуускай Арассыыйа хотугулуу-илин өттүн сүрүн куораттарыттан биирдэстэрэ буолбута. Атыы-эргиэн элбээн куорат атыыһыттара баан арыйар туһунан боппуруоһу көтөҕөн барбыттара. Уһун кэмҥэ Үп министиэристэбэтэ ону ылыммакка олорбута, тоҕо диэтэххэ Илин Сибиир атын бааннара оччото суох көрдөрүүлээхтэрэ.
1908 сыллаахтан куорат салалтата бу боппуруоһу дьаныардаахтык туруорбута. Бу сыл бэс ыйын 20-гэр куорат Дуумата хамыыһыйа тэрийбитэ, уонна уопсастыбаннай баан оннугар судаарыстыбаннай бааны тэрийэр туһунан быһаарыы ылыммыта. Онон судаарыстыбаннай баан арыллыбыта.
1918 сыллаахха Судаарыстыбаннай баан Дьокуускайдааҕы салаата атыы-эргиэн хонтуораларын кирэдиит биэриинэн, бырыһыаннаах кумаахылары бэрийиинэн, уонна араас эмитиэннэр биэксэллэринэн дьарыктанара. Управляющай титулярнай советник Златоустовскай Алексей Алексеевич анаммыта. Киниттэн ураты салааҕа 11 чыын (контролер, бухгалтер, кассир уонна кинилэр көмөлөһөөччүлэрэ) уонна 5 аллараа чыын баара. «Коковинъ уонна Басовъ» эргиэн дьиэтиттэн дьиэ куортамнаан олороро, ол туһунан 1918 сыллаахха тохсунньу 8 күнүгэр суруллубут көҥүл сурук баар.
1919 сыл тохсунньу 30 күнүгэр Госбаан салаата Бүлүү куоратыгар арыллыбыта.
1992 сыллаахха тохсунньу 29 күнүгэр РСФСР Судаарыстыбыаннай баанын Саха АССР-дааҕы Сүрүн управлениета «СӨ Национальнай баана» диэн ааттаммыта.