Таптал сүүрбэ мүнүүтэтэ
Таптал сүүрбэ мүнүүтэтэ (ааҥл. Twenty Minutes of Love) диэн Keystone Studios кылгас саҥата суох киинэтэ. Режиссердара Чарли Чаплин уонна Джозеф Мэддерн. Чарли Чаплин режиссер быһыытынан бастакы үлэтэ. Премьерата 1914 сыл муус устар 20 күнэ.
| Таптал сүүрбэ мүнүүтэтэ | |
|---|---|
| Twenty Minutes of Love | |
| Жанр | комедия |
| Режиссёр | Чарли Чаплин |
| Продюсер | Мак Сеннет |
| Сценарий ааптара | Чарли Чаплин |
| Сүрүн оруолларга | Чарли Чаплин Минта Дөрфи Эдгар Кеннеди |
| Оператор | Фрэнк Д. Уиллиамс |
| Композитор | |
| Кинокомпания | Keystone Studios |
| Дистрибьютор | {{{Дистрибьютор}}} |
| Уһуна | 10 мүнүүтэ |
| Бюджет | {{{Бюджет}}} |
| Касса | |
| Дойду | АХШ |
| Тыла | аангыл (титрдар) |
| Сыла | 1914 |
| IMDb | ID 0004736 |
Сюжета
Кэридэхчээн (Сиэпчит) пааркаҕа сылдьан онно-манна таптаһааччылары көрөр. Ымсыыран кыргыттары былдьаһа сатыыр. Биир кыыска бэрт буолаары кини уолуттан чаһытын уоран ылан кыыска бэлэхтиир. Чаһыны бу иннинэ ол уол биир ыскамыайкаҕа утуйа олорор джентльментан уорар. Чаһыны былдьаһан уоруйахтар охсуһаллар. Кэридэхчээн куотар уонна билбэккэ чаһылаах джентльмеҥҥа уоруллубут чаһытын атыылыы сатыыр. Кини чаһытын билэн полицияны ыҥырар. Сүүрүү-көтүү бөҕөтө буолар. Бары бэйэ бэйэлэрин кытта охсуһаннар күөлгэ охтоллор. Кэридэхчээн эрэ охтубакка кыыһын илдьэ барар.
Оруолларга
- Чарли Чаплин — Сиэпчит
- Эдгар Кеннеди — Таптааччы
- Минта Дөрфи — Таптааччы таптала
- Честер Конклин — иккис Сиэпчит
- Гордон Гриффит — Уол
- Джозеф Суикерд — Чаһытын уордарбыт