Федоров Валерий Дмитриевич
Федоров Валерий Дмитриевич, 1947 сыл сэтинньи 1 күнүгэр Саха АССР Сунтаар оройуонун Бордоҥ нэһилиэгэр төрөөбутэ[1], РСФСР үөрэҕириитин туйгуна, Саха Өрөспүүбүлүкэтин үөрэҕириитин үтүөлээх үлэһитэ, нуучча дуобатыгар РСФСР спордун маастара.
Олоҕун олуктара
1973 с. СГУ физика-математика факультетын бутэрэн, Бордоҥ орто оскуолатыгар анаммыта.
1981-1986 сс. оскуола дириэктэрин үөрэтэр улэҕэ солбуйааччынан улэлиир.
1987-2018 сылларга информатика учууталынан үлэлээбитэ. Бутун Россиятааҕы информатизация концепциятыгар олоҕуран, оскуолаҕа информационнай үөрэхтээһин систиэмэтин ырытан оҥорбута. «Үөрэтии процеһыгар сетевой технологиями киллэрии» научнай-методическай проблемами үөрэтиинэн дьарыктанар, Интернет ситиминэн оҕолор үөрэниилэрин хаачыстыбатын, интэриэстэрин көрөн сайыннарыы ньымалара оскуола үөрэтэр-иитэр улэтин уопсай туругун сыаналааһыҥҥа, ааспыт историятын кытары ситимнээһиҥҥэ үлэлэһэр[2]